高雄香格里拉精品旅館

最後都係揀左"高雄香格里拉精品旅館", 早左12月個時已經打左電話去book房, 而且都打左幾次電話去confirm間房(每隔幾個星期), 因為我地唔可以匯錢過去guarantee間房(匯款去台灣又要比charge又要蝕匯率, 間房都係幾百蚊, 無理由比多百幾蚊出去架), 跟住佢地叫我係佢地個web度比錢, 要先打去叫佢地開個booking比我, 跟住再用card比, 不過唔成功, 所以佢地答應今次特別幫我保留間房啦, yeah~~~ 放心晒......

其實佢地咁緊張都係驚我book左又唔去, 佢地d房已經full晒啦....原來係台灣南部/中部, 農曆新年既房間係好緊張架, 好多飯店都會full, 佢地d國民係會由台北去台南過年囉......

再加上:

1. 價格合理: NT2600, 商務雙人客房(包早餐)

2. 地點方便: 高雄車站(前站)行5分鐘 / 捷運高雄車站又係5分鐘

3. 環境裝潢: 2009年全新裝修

4. 飯店型式: 商務式格調

5. 店內設備: 有電腦提供免費上網

 

高雄香格里拉精品旅館

 

評價:

~ Blog 1

~ Blog 2

 

---

• 留言者: 小藍
• Email: littleblue619@yahoo.com.hk
• 網址:
• 日期: 2010-02-03 15:12:00

好掛住當年o係康橋影既相呀, 可惜我一次都未睇過><

---

• 留言者: 小藍
• Email: littleblue619@yahoo.com.hk
• 網址:
• 日期: 2010-02-03 13:37:00

有間康橋幾靚架, 我地入過去參觀
[版主回覆02/03/2010 14:15:00]康橋都有考慮, 不過比較完後, 都係揀左香格里拉.  不過呢間香格里拉唔同人地好貴個間囉.....haha

熱血高校 LOOK

琴日特登係淘寶訂左件"熱血高校"褸(短身中山裝)比bf帶去masaLiLi影相用, 因我想試下影中國look, 而幫佢搵件衫同我襯下....不過唔知最後會唔會用, 帶左去先啦....

件衫好平, 連速遞費都係HK$150, 而且實物都ok, 係香港只係搵到個d普通既中山裝, 唔似呢件咁, 所以都好抵玩.

官方照片1:

官方照片2:

尾班車.......

係上年既5月, 我已開始期待緊今年2月既婚照之旅.....係呢段時間裡面, 不停搵資料, 拍照用品, 拍照地點, Style, 禮服等等....全程投入.....d人仲話...使唔使咁緊張.....其實佢地真係唔明白, 呢輯婚照係我夢寐以求既野, 所以對此十分期待.

上星期MASA發生左去唔去城堡影個件事, 今日又發現esd度d jm話martin同roger都唔做啦....仲要轉人添.....吓.....死....我.....啦.....如果無左martin同roger, 咁仲可以揀邊個呢......呢條問題我問左自己好耐, 但都搵唔會答案.....

好彩, 原來佢地係做埋2月先走, 所以我趕到尾班車......我同自己講, 我真係好好彩, 要去城堡, 可以去到...要搵martin影, 可以趕到....都真係算係咁....起碼暫時唔會有遺憾先....

---

• 留言者: 小藍
• Email: littleblue619@yahoo.com.hk
• 網址:
• 日期: 2010-02-02 14:26:00

點解13號既POST今日先睇倒
[版主回覆02/02/2010 15:06:00]因為我成日都係補寫番囉....但想用番真實既時間嘛....haha

憧憬既pre-wedding相

今日下午5時左右, 終於收到yvonne既電話, masa最終決定接納我地提出既方案, 提早出發前往城堡拍攝, 圓滿解決了我地既問題.  0係呢件事上面, 我都有睇到masa對解決問題既誠意, 所以最終無影響到我地去影pre-wedding既心情, 算係一個滿意既回覆. 我又可以有番我憧憬既pre-wedding相啦….haha

---

• 留言者: 小藍
• Email: littleblue619@yahoo.com.hk
• 網址:
• 日期: 2010-01-13 12:28:00

恭喜晒~~^^ 你想幾點去化妝呢
[版主回覆01/13/2010 14:35:00]宜家仲未傾好....

---

• 留言者: Fi
• Email: fionaytw@yahoo.com.hk
• 網址:
• 日期: 2010-01-13 00:03:00

咁咪好囉,可以爭取到喇!
[版主回覆01/13/2010 14:20:00]係呀...安樂晒!!

好嬲......好火滾....心情都DOWN埋.....

有...無...攪...錯...呀.....!!!(大聲叫), 今日心情本來好好地, 突然被下午一個神奇既怪消息影響, 整個下午都好嬲......好火滾.....做野都無mood, 淨係心跳加速同埋成個人都冷靜唔到.   事緣, 下午同我一齊都係2月19日去masa影相既shan話比我知, kelly(係佢o係masa個網路客服)同佢講, 2月19日係台灣假日, 唔可以去城堡影相.  

嘩.....當我收到shan既消息之後, 簡直係震驚, 因為我都係book左個日去城堡影.  跟住shan打比kelly問再清楚.  同時, 我亦收到yvonne個電話, 以下係其中一部份對話:

我話: "我知發生咩事了, 你地個客人shan係我朋友, 我地一齊同一日去城堡.  而台灣行政院係早幾個月前, 已經講左佢地個假日定義, 但只限台灣政府機關適用, 而且如果係2月19日休假既人, 係要o係其中一日補上班, 私人機構係自定假期安排, 即個日唔係法定假日啦.",

Yvonne: "個日太多人, 修片不容易, 而且有好多景點拍攝唔到, 又會塞車, 又拍唔到好品質照片, 好多好多原因"

我又話: "你知我一早已訂了城堡, 而且如果你地覺得真係有困難, 應該早d話比我地知, 我係以城堡主題做指標去搵拍攝資料, 宜家距離出發只有1個月左右, 宜家先同我地講, 根本無時間再去做搜集, 你係咪要迫我求其揀個套包先呀, 再者, 之前有幾個月時間比你地話比我地知, 你地都無通知, 咁就代表ok啦."

我又話: "你件事影響左我個心情, 影響我工作, 我現在真的很生氣, 你地係咪想騙了我們去到台灣先通知我們?"

如果唔係shan今日問kelly野, 我地都唔知咁樣, 可能要去到先知添呀....

我地比左解決2個方案佢地考慮, 我同shan既理念一致, 我地會一齊為自己抗爭到底, 唔會放棄!!!~~~

等緊佢地星期一既回覆!!~~

---

• 留言者: 小藍
• Email: littleblue619@yahoo.com.hk
• 網址:
• 日期: 2010-01-09 16:40:00

2個方案係點呀
[版主回覆01/11/2010 00:16:00]暫時要係msn度講, 等佢地回覆左, 先決定要唔要公開.

---

• 留言者: shanlung
• Email: shanlungc@yahoo.com.hk
• 網址:
• 日期: 2010-01-09 14:46:00

好彩我地有緣識到咋!!! 真係不幸中之大幸!!
真係好唔專業既客戶服務!!! 甘既改變都唔主動及早通知!!!
未出發 ! 先出事
 

電動泡泡槍

為左輯婚照可以有泡泡既效果, 去search左d泡泡槍既資料, 因有jm話要買泡泡槍, 因燈光師唔會有時間幫你慢慢吹泡泡.  跟住search到d人係買電動泡泡槍, 入電芯既, 就係咁, 去左灣仔春園街/太原街搵電動泡泡槍.  原來都有幾種:
~ 有d好小巧既, 隨時袋係身都得 (HK$10);
~ 有d係3頭既, 好似可以一次吹出多d泡泡, 但有唔好處, 就係要每次點泡泡水 (HK$28);
~ 有d係可以將樽泡泡水插住係支槍度, 呢個最方便, 所以買左呢款 (HK$22)

買左番黎之後, 立即測試過, ok喎, 一d都唔會好難用, 應該燈光師會ok既, haha....

總算又買好左一樣野啦.....

---

• 留言者: 貓豬女
• Email: zerlina_c@yahoo.com.hk
• 網址:
• 日期: 2011-05-11 10:28:00

我都諗住買泡泡槍去影pre-wedding, 但係唔知係邊度買.....多謝你的info

---

• 留言者: 小細
• Email: watermoon0208@yahoo.com.hk
• 網址:
• 日期: 2010-05-15 15:50:00

搵到你個POST啦~等我又去睇下先^^
[版主回覆05/16/2010 02:06:00]呢隻真係好用...到時買定過去台灣啦...

---

• 留言者: 小藍
• Email: littleblue619@yahoo.com.hk
• 網址:
• 日期: 2010-01-05 00:00:00

我唸我有去過, O係我玩玩具O個幾年…^^"

---

• 留言者: 小藍
• Email: littleblue619@yahoo.com.hk
• 網址:
• 日期: 2010-01-04 02:02:00

真係幾正喎~你可以幫我買支嘛~
[版主回覆01/04/2010 23:22:00]如果我去開就幫你買啦, 不過如果你自己買左既話, 記得講我知.  灣仔春園街即灣仔玩具街, 好多人識架...