MnM: 1月 2011

2011年1月22日星期六

WENDY TONG

之前係網上面search到一間好好評語既婚紗公司, 佢可以按照你既要求去加減gown既design, 而且就算係租既, 佢改到都可以改, 當然有d係要加少少材料費, 基於呢個原因, 我又心思思想去睇下, 而且打過電話去問過價錢, 租都係$4xxx-5xxx有3-4件…都ok呀.

一上到去, 見到好nice既wendy, 係佢間舖唔係太大既地方, 我都發現左唔少正野, 可以因為我愛lace, 佢都有唔少lace, 不過….好多正野係訂造既, 我見到一條係有人已訂造左既, 簡直同我心中既the one一樣架, 我真係有心動, 不過個條無得租, 如果訂一條既, 就要$6千左右, 我真係唔捨得. Wendy話我鍾意既lace就係有一個問題, 係唔租得咁多手, 因為一出過街, 呢d lace就會有少少起毛, 雖然唔係人人都識睇, 但係佢地就會知, 同埋仲有一個問題係, 長度既問題, lace唔同其他裙, lace裙個腳要好岩身先靚, 呢樣野係無得改既, 所以一條要靚既lace gown係要訂造先至完美. 如果我揀其他材料既, 其實問題係無咁多既. 聽完佢咁講之後, 真係好心傷, 因為我真係唔捨得用咁既錢去造一條只係穿一次既衫. 我睇埋其他gown之後, 都係想返屋企冷靜一下先….理性緊要~~

VANESSE L COUTURE

其實之前都睇左好幾間, 不過點都係要去會一會VANESSE, 因為我之前幾年陪朋友仔睇WEDDING EXPO時, 已經愛上呢間, 只係唔知點解到自己搵衫既初期, 成日都想搵下有無一D平過呢間既. 係好耐好耐以前…..呢間公司既衫已經係比較貴同係尖沙咀區薄有名氣既, 幾年前既PACKAGE已經要HK$4000-5000, 我記得個時D朋友仔都仲係搵緊D元朗HK$2000有10件衫既PACKAGE, 所以相對黎講, 個時已經係叫做貴野. 時至今日, VANESSE既PACKAGE升幅都唔算離譜, 佢宜家都係HK$6000幾. 但係宜家出面一般既舖頭都升到HK$4000一個PACKAGE啦, 人地+100%, 佢都係+50%, 所以都係算唔錯LU.

之前一直都係EXPO度睇佢既衫, 以我既性格, 一定唔會因為係EXPO睇左而去JOIN PACKAGE, 所以我決定要係EXPO之前去一次VANESSE既舖頭, 要睇多D實物, 絕唔會因1,2件皇牌而比佢扼到既. 後來因為芝士既介紹, 我知道當時ESD LIFE有COUPON, 仲平過係EXPO JOIN, 所以打左去約時間, 點知, 唔使試衫, 只係約上去睇, 都要等成幾個星期先有期, 真係旺場.

2011年1月21日星期五

花嫁衣裳(婚紗篇)

關於婚紗方面, 由於本人一直追求LACE婚紗, 所以我亦向呢個方向入手. LACE婚紗其實都可以好廣泛, 有Elegant, 有Vantage, 亦有Classic既, 所以基本上係可以有好多選擇. 而LACE亦有好多種, 有d密度好高既, 有d只係得條花邊, 有d係全幅但係好疏好透既, 所以我都要睇好多款. 唔好以為LACE就一定會好老成既, 因為LACE係可以做到好多款式, 復古有袖既….一字膊既…..露肩既…..Deep V既….娃娃款既….咩野都做到架. 當然, 我既要求係要典雅個種, 因為比較襯我斯文既外表(嘔~~)

花嫁衣裳(晚裝篇)

至於晚裝方面, 我之前都睇過唔少JM同朋友仔既晚裝, 由於近年已流行A-LINE修身款, 而且我個人對芭芘裙既興趣不大(主要係因為我個人唔夠cute, 所以其實係我carry唔到…XD), So 我集中搵A-LINE既款, 不過A-LINE既都有要求架, 我想搵d平時少d機會著既款, 例如: 大露背, 因為我見過有JM真係著得好靚, 而且我又無其他野可以露(自知身材唔夠好), 唯有係背部可以見得下人….

除左件衫個cutting之外, 我亦會睇埋佢既材料, 因為有d太輕紗既…..太雪紡既….太花花既, 我都唔Likey, 我比較鍾情個d好似人家行紅地毯去頒獎禮個d款, 係要高貴既. 另外, 亦想搵一件可以中式少少, 可以敬茶敬酒既.

2011年1月20日星期四

花嫁衣裳既重頭戲: 婚紗及晚裝篇

一直有好多朋友仔都好關心我既禮服問題, 亦有好多朋友仔幫我四去搜查平靚正既禮服.

係度特別要鳴謝以下朋友仔既幫忙, 排名不分先後喔: 芝士皇后, 美玉同學, 小藍, Mrs PP(shanlung), 亞藍(Tracy), EVA, On Ki, 梗係仲有業仔啦…

我地因為要睇餸食飯, 而心目中想要搵既WG同EG既數量係1WG, 3EG, 再要加埋伴娘衫, 即係要最少5件, 而我之前定左既Budget係hk$7000, 即係我一定唔可以超過7千, 我可以選擇平啲既衫, 或者係著少件, 但一定唔可以超budget, 因為如果control得唔好既, 會outbud, 我唔可以比我地outbud架, 我地要搬屋, 仲要係租屋, 係個一方面, 一定會outbud, 因為宜家d屋租只有加無減, 所以我地一定要有保留for屋租.

好啦,言歸正傳, 我為左呢d靚衫, 由上年已開始跟各大好友一齊去搵, 而且EXPO都去左唔少次, 係網上面搵完又搵. 得出以下幾點:

1. 如果想平既, 金都一定有, 不過啲款真係唔岩我, 而且有d out既感覺.

2. 尖沙咀既價格比較貼近我budget, 中環上環既都比較貴.

3. 想好d既, 7千可以有1WG, 2EG, 當然有d係直頭得一件WG添啦, 個d太貴既唔好講啦, 只係講中間個d啦, 7千蚊3件, 咁點分配呢? WG就唔使講啦, 但係如果唔係西式dinner, 係中式既, 究竟係席前一件, 敬酒同送客用同一件? 突然….比我諗到一點, 就係去買件平野送客, 因為送客只係企係度同埋只係影前面之嘛.

4. 既然會考慮買, 不如搵下2手既開倉衫, 同埋去淘寶搵下啦.

5. 如是者, 開倉既公司我都去過幾間, 淘寶直頭係日日睇 (因為太多), 跟住開始覺得唔對路, 不如搵下ebay同埋yahoo, 不過唔係香港既, 係台灣yahoo.

6. 搵搵下唔知係咪睇得多呢, 熟我既朋友仔都知之前一直都喜歡lace+elegant 既WG, 不過突然我覺得vintage都好鍾意wor, 即係我真比較鍾意有氣質個種衫, 我同可愛路線係完全say bye啦.

(待續)

2011年1月14日星期五

出門酒店篇6 –園景軒(The Garden View YMCA)

園景軒The Garden View YMCA (香港麥當奴道1號)

Garden View Suite / Deluxe Suite

呢間酒店係大家姐幫我搵架, 其實佢之前提議我既時候, 我真係有考慮過係唔係真係去睇, 因為好耐之前, 我其實有諗過呢間, 只係因為個地點問題, 仲有當然係我係website睇過佢既裝修, 好似有d老土. 不過大家姐幫我問既價錢真係好抵喎, 係金鐘, 仲要有成550-600呎既suite都係2千幾, 真係去邊度搵先? 所以都係決定去睇下, 點知一睇之後, 發覺同自己心目中既諗法好唔同, 係有surprise架, 佢地已經裝修過全部房間, 宜家既裝修就係好home feel既, 而且間房大小適中, 仲要個廳夠晒幾十人都無問題.