免費2015年8月BB展門票，嬰兒包被 （7/15前登記）

仲有無媽媽未加入美贊臣會，我可以推薦你，大家都有bb展門票同埋嬰兒包被，請留言😁

惠氏媽媽會入會禮物

今日收到惠氏媽媽會速遞送黎既換片墊，睇落唔錯喎👍🏼👍🏼

16W Baby

話咁快就16W啦, 肚圍34吋啦, 小🐷你要🎶🎶天天長大🎶🎶天天高😊！

uBaby講座

呢個星期第2個講座 - uBaby既坐月及母乳餵哺精讀班

講母乳餵哺個Part由寶血醫院姑娘講，其實都幾詳細，比起其他講座仔細講解餵哺時既情況同問題，反而坐月個Part麻麻,可能我上左陪月班，所以我知既野比佢講既多好多！禮物方面就真係普通d啦！

bb care x Johnson Baby既講座

「解讀湊B小百科」免費產前講座

今個星期一連報到好多個講座，宜家有3個係confirm既，今日去左bb care x Johnson Baby既講座，講者講得幾好喎，又生動又學到野，不過禮物唔算太多😂...

牛欄牌媽媽奶粉入會禮物

今日收到牛欄牌媽媽奶粉入會試飲，估唔到牛欄出手咁闊綽，成盒咁送😱

3107橙

自從有了小🐷後竟愛上食橙，一日一個，呢隻3107橙最好食，又甜又香！夠竟係小🐷鍾意食係我鍾意食呢？

Elevit with Lodine

之前一直食朋友(朋友表妹係澳洲做藥劑師)介紹既葉酸+綜合維他命 - 購自澳洲既ELEVIT with LODINE. 點解要係澳洲買, 因為香港版成份同澳洲版唔同, 而且澳洲版係德國制, 香港版係印尼制. 另外, 香港版係加左VIT. A, 如果平時飲食正常, 就唔好係懷孕期間食有VIT. A既補充劑, 因為VIT.A係會增加畸胎既機會. 不過今次真係好好彩, 咁岩有朋友去澳洲, 一心諗住搭單入定貨, 因為可以食到餵完人奶, 但原來澳洲改左版, 除左成份唔同外, 仲要唔再係德國制, 所以即刻上網SEARCH下紐西蘭版同歐洲版有無轉啦, 點知只係紐西蘭版係同舊澳洲版一樣, 而歐洲版本身成份都係唔同既, 所以最後搵左新西蘭代購幫手, 2個星期就到貨啦, 連埋朋友仔ORDER, 一次過掃左17盒.......

有代購需要可搵呢間: https://www.facebook.com/jcwnzpurchase?fref=ts

NUK 講座

NUK媽媽教室 -「BB語言發展知多d」

第1個懷孕講座就係NUK啦，估唔到呢個講座比$100，可以攞到咁多野返屋企!有2支媽媽用的係比人介紹既禮物, 如果你地有興趣呢個講座, 我都可以介紹你, 大家都有禮物架...

12W Baby

12W 第1次去贊育產檢, 約左一早8:30am, 去到登記完就睇video, 然後見姑娘問病歷，之後係抽血同驗唐氏。贊育係可以比$245攞番超聲波相架，只要照時同姑娘講就得架啦。一個上午就完成晒，超正。完成出門口時，仲有好多媽媽會promotion,攞左好多贈品比小🐷。朋友話我知早幾年唔會一個上午可以完成咁多野，可能係羊年少d出生率卦，總之就係小🐷好彩啦😂



話咁快就12W啦, 宜家個肚圍33吋, 不過好多朋友都話點解咁現喎????

瑪麗專科覆診

訓左一星期床後，今日終於再去瑪麗專科覆診啦。去到登記完要先見姑娘，問完病況，再要用鉗檢查，之後再去照超聲波。檢查過程一直護士都話無事，直至照超聲波時，照左好耐，駭鬼死我，好似照唔到咁，唔知係咪新手，之後叫左個有經驗既黎照，我見佢2個支支浸，我又無得睇個mon, 極度不安，仲要聽到個經驗好既同後生既講：唔使講啦，都唔算，唔好駭死人！，其實我個時仲驚，唔知咩事，之後叫左我走。再見番做檢查時個護士，先講小🐷無事，有心跳，仲好強勁，咁我先無咁驚咋！

見紅????

今日要去澳門出席公司既Sales Meeting,等左成幾個月，終於到今日了。零晨4:30就要起身梳洗化妝，準備5:45坐的士去碼頭。到左碼頭之後，原來早上的碼頭超級多大陸旅客，而且全部都唔會理會其他人，一直橫衝直撞，我都差點被撞，而且還差點被他們的行李喼展過。到了7:00，可以上船了，準時8:15分左右到達澳門。原來一大早是沒有shuttle bus去酒店的，又要再坐的士。到了開始的時間，整個presentation以訪問型式進行，既新鮮又生動。完了後便可以觀賞今季新系列既珠寶手錶，之後便午餐了。跟住我們便想去威尼斯人的店舖參觀，其實由conrad去venetian只是很近，但足足行了2小時，當時我已覺得好疲累，可是因為不能告知原因便繼續。到了4:30左右，我們坐下休息的時間，發覺有些分泌，去洗手間時發現了粉紅分泌，於是我第一時間決定回港入瑪麗急証室，因為之前的醫生講過，一見啡/紅要即入急症室。所以即刻飛奔去碼頭再轉的士去急症室。由澳門出發到醫院也要6:45才到，登記完後要9:00才到我，醫生用超聲波照過肚皮後話胎囊2CM, 之後再約專科，其間再有事就再回急症室，同埋要訓床，唔好再周圍走。

ClearBlue

補番個ClearBlue先，真係2-3w喎！

第一次見面

第一次見婦產科醫生，開頭只係想照肚超，但照唔到，無奈地照陰超，其實我好驚，因為聽得太多人講懷孕初期唔好用陰超，會有機會引致流產，但醫生話好安全，而且唔照既話，如果宮外孕更危險，所以乖乖照左。不過一照到胎囊個時，眼淚即時想流出黎，好感動，終於見到自己個結晶品，而且有營養囊，有胎芽，醫生話係正常位置，可以放心。

贊育登記, 瑪麗醫院分娩

今朝一早9點就即刻打去贊育登記, 因為我想係瑪麗醫院分娩, 而瑪麗係高齡方面既專家, 有最好既醫生團隊, 而小兒科又係好好, 所以唔會揀其他醫院. 好彩娘家近瑪麗, 自然係FIT晒我既要求啦. 原來排贊育就算早或遲打電話去登記, 都係會安排12W左右先有第1次檢查. 約左2 Jun, 真係好慢長既等待...........

驗孕

忍到今日終於去睇醫生啦, 因為醫生通常用D唔係太sensitive既棒棒驗, 怕太早去, 驗唔到既話, 醫生會叫你過幾日再去, 我估宜家成4-5W啦, 應該驗到卦. 結果真係驗到啦, 醫生寫左幾封信比我同埋恭喜我.

綠D

睇清楚d,真係慢慢有線吖！

南洋生仔偏方???

3月時新加坡朋友教我佢地當地既生仔偏方, 原來係要摸肚, 先摸摸已生小孩的婦女肚子, 然後立即摸摸自己肚子, 就可以祝福早孕. 我那天摸左2個朋友既肚, 佢地有仔有女, 估唔到一摸就成功有好消息. 努力中既朋友仔要試下啦..HHEHEHEEE

有無眼花？綠d有控吖！

有無眼花？綠d有控吖！

紅d

今個cycle係中醫既幫助下，紅d出奇地靚，之前係無咁深色架！