原來真正去計劃籌備一個自己既 "夢 想 婚 禮", 係需要用好多精神, 時間 同金錢, 隨便缺一都唔可以, 所以由宜家起, 我希望可以搵到多d "贊 助 商" 幫忙就好了, 不論人力, 物力, 或金錢, 大小通殺, 有時有d物料係可以DIY重新製造變成新既用品, 化腐朽為神奇喔~~ 只要有用得著的東西都會一一接收, 而且仲可以慳好多時間去搵料, 哈哈.
"叮" "叮" "叮" 各方好友, 兄弟姊妹, 只要有任何婚後物資 / 慳錢大法 / 體力勞動, 多多都接收, 我會將可循環再用既物資好好利用架啦!! 多謝多謝.
原來要比較唔同酒席既價錢係咁困難架, 佢地會用好多好多唔同字眼去收取費用, 淨係用條魚, 已經比較唔到, 太多名啦,
大東星 vs 大青斑 vs 大星斑 vs 大海斑 vs 海星斑 vs 海虎斑.......etc 仲有好多, 只係知道東星比較貴, 海斑比較平, 但upgrade要加HK$500左右, 但有d blog友話可能只有主家席先有upgrade, 因為東星有分養魚同海魚, 而顏色又有紅同黑, 唔係行內人, 好難知道有無比人搵笨, 除非你識間酒樓, 但又要睇佢地入唔入到好貨.
仲有個翅, 有d好似好小家, 有d又over太多budget, 又怕失禮, 又怕比左錢但無upgrade, 唔通係每圍起筷前巡遊一次先咩....唉!!!
所以我去左openrice度, 睇下有無人會評婚宴. oh........h, 好多呀, d野食真係好緊要, 而且服務都係, 但係原來佢地只係會記住: "隻乳豬","個翅", "條魚","隻雞"...., 味道好唔好食, 唔係好多人記得條魚係咩魚, 隻雞係咩雞, 個翅有幾兩咁, 但係好記得蟹拑熱唔熱, 個翅係唔係好水或好杰, 條魚un唔un, 隻雞滑唔滑......其實, 菜式名貴同味道比較, 係邊方面比重高d呢?
嘩.......咁點算, 擺酒其中一個最重要既野......食物質數, 如果差的話, 會比人笑一世, 咁點揀呀!!!有無人可以比d意見啊.....!!~~
剛才既一個經歷, 原來2秒既時間可以改變好多事情, 亦可以使人同人之間既關係消失, 必須學懂珍惜現在可擁有既一切, 好多事情未必真的在你掌握之內. 多謝上天既卷顧, 使我可以繼續享受我燦爛的人生.
前2天開始, 我們就巳經不斷討論結婚既事, 係真係會有好多意見不合, 第1回合 - - 我地已經開始有唔同見解, 例如: 整個婚禮budget, 婚假 (因佢份工只有新年可放假, 平時不能請假), 父母問題.....而且各不相讓, 因大家都覺得自己個原因最啱~~
以後將會有更多話題, 更多細節, 同加上雙方父母的加入, 我真的好怕哦!!~~ 雖然, 最後, 佢都係會讓步, 但我真係好想可以大家一同有共識, 大家了解對方既想法, 畢竟, 我們係兩個人, 無可能完全思想相同, 有既話可能會因太夾而分手添...., 我地一定要努力, 通過呢個考驗, 呢個係我們其中一個真真正正既大個大考驗, 通過左就會有一個新既旅程展開啦!!~~
個blog主覆左我啦, 真係佢呀, 估唔到我咁犀利, 真係估中左. 原來佢4月個時已經book左roger, 但大家個網路客服唔同, 所以一開始我係唔知有人咁早book左.
就係咁, 我地開始交換心得之餘, 展開左一段友誼. 小藍, 好開心可以識到你, 呢個都係一種緣份, 2個互不相干的人, 因為一齊去影婚紗相而相識, 到時仲真係會見到面, 真係幾得意. 約定你啦, 台中見啦....
就係我好努力搵masalili既相呀, 資料呀..既期間, 有個驚人發現:
其中有個blog度既blog主又係問masa農曆新年開初幾, 又話已經book左roger, 唔通就係佢, 就係佢book左走左roger???充滿好其心既我, 竟然真係會留言問佢係咪book左2010年2月19日既masalili roger?? 咁橋? 咁都搵到?仲要又係香港去? 好多好多問號, 因我既求知慾其實真係好高, 快d覆我就好啦.
既然已經決定左個大project會係1,2年內進行, 咁不如去婚展攞d資料睇睇先啦. 之前一直都係陪朋友去睇, 去"鄧"人高興, 今次終於係為自己去睇啦. 其實婚展大大話話之前都已經睇過4-5次, 仲要次次去親都話要順便攞疊資料返屋企慢慢睇, 其實係想比自己係屋企慢慢 "發夢", 呵呵!! 
今次去搜集既目標其實係酒席既資料, 因為結婚最最最大筆開支會係酒席, 咁又唔可以好貴, 又唔可以失禮, 又唔可以佈置肉酸, 總之有幾萬個唔可以, 都係早d去睇多d資料做比較先啦, 費時到時為錢失預算, 變得求求其其咁啦.
個日有幾個婚紗show都好好睇(但我無影相呀!), 我同個朋友仔直頭去搵個位, 坐係度慢慢睇, 幾寫意咁架. 多謝朋友虾仔啦, 佢陪我去睇, 雖然佢上年已經結左婚, 但當睇到靚衫時, 不禁唔多唔少都有d羨慕咁啦, 不過無你份啦, 鬼叫你結左咩...之前一直係我地2個一齊去搵資料, 宜家得返我咋...
嘩, 都攞左好多酒席資料架, 遲d都要做個比較表先得啦.
順便攞d其他野睇下啦, 雖然宜家未有用, 不過攞黎做budgeting都好架...
