乳豬拼盤 vs 乳豬全體, 大家都知個分別係邊, 咪就係全隻豬 同 唔係全隻豬既分別 lor 
當我比較酒席既 package 時發現就算全體都仲有分好多種,好似:
鴻運金豬全體 -- 每圍大約 HK$4,xxx;
金陵大紅乳豬 -- 每圍大約 HK$5,xxx;
金豬大紅袍 --多謝承惠每圍 HK$6,xxx
鴻運片皮乳豬全體 -- 乜乳豬除左食皮之外, 仲有其他食法架咩?每圍承惠 7,xxx;
仲有好多好多, 之但係當我去睇去搵人地d酒席資料時, 發現 "佢" 地都有個共通點 ~ "都係一隻乳豬", 跟本無分別, 又唔會煮法唔同, 只係貴d既會有2粒發光眼仔比"佢", 有d仲要連pat pat都唔比人, cut左, 咁點全體呢?
其實根本就係d酒樓/酒店將d菜式名字改左, 比個靚d既名佢, 等人地覺得級數唔同, 所以嗰圍酒就會貴d.
乳豬級數既分別, 可能最大就係個 "名", 味道....同...煮法.....同...大細.....其實係同比既錢唔成正比架, 各位小心被騙呀!!
哈哈, 估唔到咁快有回響喎, 多謝你呀表姐, 一早(即今日)已經答應 2年後既"贊助", 而且仲要係非一般既, 其他人一定無添. 我表姐贊助既係........姊妹化妝set頭.
對唔住啦各位, 2年後我結婚個日, 化妝師 "Kim", 已經比我包左, 唔好羡慕我哦, haha.
佢係主力化...新娘妝....同...大眼妝...添, 又跟過Gary Chung學野, 本身我都係想搵佢化妝架, 但佢都係主人家既一份子,當日又要做姊妹, 又要幫我招呼親友, 同最重要係有幾位長姥級人馬已經對佢虎視眈眈, 所以佢就幫我d姊妹化妝set頭啦!~~ 不過咁都好呀, 已經慳幾千啦, 而且佢話會幫我試多d不同款既妝同頭, 慳好多呀, 出面試多幾次都唔少錢啦, haha!! 比d相你地睇下啦......
原來真正去計劃籌備一個自己既 "夢 想 婚 禮", 係需要用好多精神, 時間 同金錢, 隨便缺一都唔可以, 所以由宜家起, 我希望可以搵到多d "贊 助 商" 幫忙就好了, 不論人力, 物力, 或金錢, 大小通殺, 有時有d物料係可以DIY重新製造變成新既用品, 化腐朽為神奇喔~~ 只要有用得著的東西都會一一接收, 而且仲可以慳好多時間去搵料, 哈哈.
"叮" "叮" "叮" 各方好友, 兄弟姊妹, 只要有任何婚後物資 / 慳錢大法 / 體力勞動, 多多都接收, 我會將可循環再用既物資好好利用架啦!! 多謝多謝.
原來要比較唔同酒席既價錢係咁困難架, 佢地會用好多好多唔同字眼去收取費用, 淨係用條魚, 已經比較唔到, 太多名啦,
大東星 vs 大青斑 vs 大星斑 vs 大海斑 vs 海星斑 vs 海虎斑.......etc 仲有好多, 只係知道東星比較貴, 海斑比較平, 但upgrade要加HK$500左右, 但有d blog友話可能只有主家席先有upgrade, 因為東星有分養魚同海魚, 而顏色又有紅同黑, 唔係行內人, 好難知道有無比人搵笨, 除非你識間酒樓, 但又要睇佢地入唔入到好貨.
仲有個翅, 有d好似好小家, 有d又over太多budget, 又怕失禮, 又怕比左錢但無upgrade, 唔通係每圍起筷前巡遊一次先咩....唉!!!
所以我去左openrice度, 睇下有無人會評婚宴. oh........h, 好多呀, d野食真係好緊要, 而且服務都係, 但係原來佢地只係會記住: "隻乳豬","個翅", "條魚","隻雞"...., 味道好唔好食, 唔係好多人記得條魚係咩魚, 隻雞係咩雞, 個翅有幾兩咁, 但係好記得蟹拑熱唔熱, 個翅係唔係好水或好杰, 條魚un唔un, 隻雞滑唔滑......其實, 菜式名貴同味道比較, 係邊方面比重高d呢?
嘩.......咁點算, 擺酒其中一個最重要既野......食物質數, 如果差的話, 會比人笑一世, 咁點揀呀!!!有無人可以比d意見啊.....!!~~
剛才既一個經歷, 原來2秒既時間可以改變好多事情, 亦可以使人同人之間既關係消失, 必須學懂珍惜現在可擁有既一切, 好多事情未必真的在你掌握之內. 多謝上天既卷顧, 使我可以繼續享受我燦爛的人生.
前2天開始, 我們就巳經不斷討論結婚既事, 係真係會有好多意見不合, 第1回合 - - 我地已經開始有唔同見解, 例如: 整個婚禮budget, 婚假 (因佢份工只有新年可放假, 平時不能請假), 父母問題.....而且各不相讓, 因大家都覺得自己個原因最啱~~
以後將會有更多話題, 更多細節, 同加上雙方父母的加入, 我真的好怕哦!!~~ 雖然, 最後, 佢都係會讓步, 但我真係好想可以大家一同有共識, 大家了解對方既想法, 畢竟, 我們係兩個人, 無可能完全思想相同, 有既話可能會因太夾而分手添...., 我地一定要努力, 通過呢個考驗, 呢個係我們其中一個真真正正既大個大考驗, 通過左就會有一個新既旅程展開啦!!~~
