電動泡泡槍

為左輯婚照可以有泡泡既效果, 去search左d泡泡槍既資料, 因有jm話要買泡泡槍, 因燈光師唔會有時間幫你慢慢吹泡泡.  跟住search到d人係買電動泡泡槍, 入電芯既, 就係咁, 去左灣仔春園街/太原街搵電動泡泡槍.  原來都有幾種:
~ 有d好小巧既, 隨時袋係身都得 (HK$10);
~ 有d係3頭既, 好似可以一次吹出多d泡泡, 但有唔好處, 就係要每次點泡泡水 (HK$28);
~ 有d係可以將樽泡泡水插住係支槍度, 呢個最方便, 所以買左呢款 (HK$22)

買左番黎之後, 立即測試過, ok喎, 一d都唔會好難用, 應該燈光師會ok既, haha....

總算又買好左一樣野啦.....

---

• 留言者: 貓豬女
• Email: zerlina_c@yahoo.com.hk
• 網址:
• 日期: 2011-05-11 10:28:00

我都諗住買泡泡槍去影pre-wedding, 但係唔知係邊度買.....多謝你的info

---

• 留言者: 小細
• Email: watermoon0208@yahoo.com.hk
• 網址:
• 日期: 2010-05-15 15:50:00

搵到你個POST啦~等我又去睇下先^^
[版主回覆05/16/2010 02:06:00]呢隻真係好用...到時買定過去台灣啦...

---

• 留言者: 小藍
• Email: littleblue619@yahoo.com.hk
• 網址:
• 日期: 2010-01-05 00:00:00

我唸我有去過, O係我玩玩具O個幾年…^^"

---

• 留言者: 小藍
• Email: littleblue619@yahoo.com.hk
• 網址:
• 日期: 2010-01-04 02:02:00

真係幾正喎~你可以幫我買支嘛~
[版主回覆01/04/2010 23:22:00]如果我去開就幫你買啦, 不過如果你自己買左既話, 記得講我知.  灣仔春園街即灣仔玩具街, 好多人識架...

MASA JM GATHERING ~ 20091228

第1次見小藍同shan, 心情真係好緊張架, 我地之前雖然係internet上面已經傾左好耐計, 小藍係由5月開始, shan係由10月開始, 不過都仲係有d d担心見面時會點, 會唔會大家有dead air呢, 唔通要即刻攞番部PC出黎用msn?...XD

我地3個直頭癲到日日msn, 仲要3人會議, 日日都係masa既相, masa既package, masa既相簿, masa既photop, masa既mua, 連禮服小姐同客服都唔放過, 真係無所不談架.

我地仲會傾好多籌備結婚既野, 搵咩好, 咩野抵, 邊度有大減價咁….終於…係半年後, 即今日, 我地約出黎見面啦…而且大家都準備好去影相前既功課, 又可以交換一下大家既意見. 3個女人一個墟係無錯架, 我地一見如故, 一傾就傾足幾個鐘啦.

台中黎客商旅 Le Parker

Le Parker 黎客商旅

本來masa個package係包左2晚房價, 因但因我地貪心, 想順便去台中玩玩, 所以加住2晚.  不過, 呢2晚就貴囉, 因為農曆新年既關係, 比平時貴左好多, 年初四個晚要nt3580, 初五要nt3200, 而我地要住到初八, 所以好貴呀......不過無辦法, 如果唔要masa個2晚, 佢地只係減到共nt3000, 但自己出去其他飯店度book1晚都要nt2500啦, 又要轉酒店咁煩, 算啦...一次啫...比佢啦....無計(自我安慰中......), haha

優點: 簡潔明亮, 乾淨, 近逢甲夜市, 早餐精緻
            坐的士去masa只係15-20分鐘(nt180-200) ~ blog友提供

BLOG 1      BLOG2     BLOG 3

---

• 留言者: 小藍
• Email: littleblue619@yahoo.com.hk
• 網址:
• 日期: 2009-12-14 13:08:00

真係好趕 好似我上次去台灣咁XD 我地今次唸住hea 每日都係安排一個景點+1個夜市^^

---

• 留言者: 小藍
• Email: littleblue619@yahoo.com.hk
• 網址:
• 日期: 2009-12-14 12:43:00

係喎我記錯左我地初四初五影XD 唔夠時間? 你D行程好密呀?
[版主回覆12/14/2009 12:57:00]係呀..初三晚同初四係高雄, 初四晚即上台中, 初五朝(即揀衫日)去集集, 車埕, 跟住趕番黎揀衫, 初六全日影相, 初七早上台中市, 下午揀相, 初八早上11時高雄機返hk.

---

• 留言者: 小藍
• Email: littleblue619@yahoo.com.hk
• 網址:
• 日期: 2009-12-14 01:17:00

我會為左慳返D寧願轉酒店呢, 又唔係晚晚轉, 慳返既錢可以用黎加相喎, 唔加相指定化妝師都好呀 你唔係俾佢包初四初五咩?其餘日子加住會唔會平D?
[版主回覆12/14/2009 12:24:00]唔得呀...佢地只可以包我揀衫同影相日, 唔可以改日子.......全條數相差大約4百港幣啦...無計..其實係唔夠時間轉酒店...哈哈!!

男禮訂造過程

今日終於完成左1個task啦.....黑色男禮

今晚同男友一去到MON AMI個時, e.......點解得番1個sales既, 星期四去問野個日, 有個比較熟悉d既女sales架喎...宜家得番個sales妹妹係度, 佢識唔識度身架....算啦...都黎左啦, 問下佢啦....

跟住佢比左d size我地試, 細碼又細, 中碼又大, 佢仲話中碼ok, 我話個膊頭大左少少, 佢話可以收, 但你想收幾多? 我話收少少囉, 收得多又唔得.....仲有條腰, 點解咁直, 要收少少, 但少少好啦, 太多又係好肉酸.佢問每邊半吋好嗎, 共收1吋? 我問返佢半吋有幾多呀? 總之收少少啦, 唔好太多, 我唔係要收腰款, 只係要少少cutting啫.

跟住佢再度下呎碼, 然後話係唔係男友件衫既問題, 跟住比埋件恤衫佢著.  好啦...著完後, 真係個膊大左少少, 佢又係佢d sample度再搵size比我地, 今次啱啦..個膊啱啱好, 而且好似條腰好d添, 一問之下, 呢件條腰收左1吋半...哦...就呢個size啦..

ar...仲有呀...隻袖要長少少, 因男友手長, 佢鍾意隻袖長d, 唔鍾意釣釣下...又要加長隻袖.  e...e...仲有呀....個胸位好似都要收少少, 大左d, 但我話我地會著背心, 不過怕著左背心都鬆得濟....跟住佢又好幫手咁比埋件背心我地試, 試完之後, 都真係鬆喎....咁又改啦...然後到褲啦...褲好d, 好快度完.

仲有, 之前諗住去G2000買禮恤, 點知星期四去睇過, 佢地今季唔出喎....下.....咁唯有係其他地方買啦....咁啱問下mon ami, 佢地都有, 價錢hk$138, 個款都ok, 算啦, 係度買啦, 唔好煩啦, 橫掂套禮服比原先既平左, 就當補番件禮恤啦...好啦..結果攪掂一件事啦..

總括來講, 個sales妹妹好似無另一個咁專業, 但勝在佢服務好, 不停攞野出黎比我地試, 去滿足我呢個麻煩人, 你知啦...去度身買男禮, 都係想件衫fit啫, 咁要求梗係高架啦.

當然, 最後梗係要讚下男友啦, 佢不怕煩咁比我同sales, 舞來舞去, 試完一樣又一樣, 平時既佢最怕煩架啦, 但今次好合作, 真係好好呀....

---

• 留言者: SkyBlue
• Email: asb_dummy_user_hk1@yahoo.com.hk
• 網址:
• 日期: 2010-04-16 18:03:00

Congratualtions! Our shop has many Wedding Gowns, Evening Gowns and other dresses. We also have tailor-made service. Pls feel free to visit Here is some comments of our shop in ESDLife Forum: http://showcase.esdlife.com/index.php/showcases/photolist/wedding/1290/1290/2/0 http://comtools.esdlife.com/wedding_forum/viewtopic.php?t=165584 http://comtools.esdlife.com/wedding_forum/viewtopic.php?t=188609&sid=3c4d56058af61bafe3eb8e6ef2891517

男禮踩埸第5擊 ~~ MON AMI

上個星期同朋友仔傾開計, 知佢地要訂兄弟西裝, 問開佢地話係旺角造, 而且都ok, 咁問佢地攞個contact, 去問下有無男禮.  今日同個friend去睇睇先.

MON AMI (九龍彌敦道582-592號信和中心地下10&11號舖) Tel: 2771 6171

一入到去, 問下佢地有無男禮訂造, 跟住佢地比左d sample款我睇.    e...........e........有喎...有個件我想問既尖領同匙羹領, 全部都可以加絹面領.  不過如果匙羹領拆絹後, 都仲係好隆重, 所以第時可用既用途會減少左, 最後都係覺得尖領好似好d.

價錢方面, 以我睇既一般質料都只係HK$780, um.........呢個價錢真係好令人心動, 因比我之前睇既更平, 更抵.......

訂造時間係2個星期, 咁咪差唔多要訂...因造起都要差唔多1月啦, 如果仲有少少修改既話, 可能時間只係啱啱好.

問佢地造咩顏色好d, 佢地話d人造純黑最多, 影相會靚d.  咁我話攞相機出黎試下得唔得, 佢地話無問題, 隨便試.   以下相片純為測試顏色, 沒有什麼角度同技術可言, 敬請注意, 哈哈!!~~

純黑:

黑灰有條紋:

係喎...果然係純黑好好多喎.....好啦...星期六黎訂啦.....

高雄飯店

高雄既飯店係農曆新年期間, 比台北貴好多, 佢地大部份平日會用訂價5/6折賣房,但到新年個時要用訂價賣, 所以好唔抵, 不過無辦法, 就連民宿都有加價至近飯店水平.....所以佢地唔怕無人book, 只係怕你book得太遲, 無晒房, 因為太多人(由台北)返鄉下啦......

之前都有考慮過民宿, 而且見佢地既佈置好精美, 但係後來因行程改左, 要係第2晚直去台中, 所以要搵d可以日間寄存行李既飯店囉....搵得好辛苦, 一間一間咁睇, 先有以下比較可取既選擇 (以價格, 地點, 裝潢作為考慮因素):

1. 拉斯維嘉LIFE商旅
價格: NT3000

評價:
~ Blog 1 

~ Blog 2

~ Blog 3

~ Blog 4

2.  高雄香格里拉精品旅館

價格: NT2200-2800

評價:

~ Blog 1

~ Blog 2

3. 康橋商旅-六合夜市館
價格: NT2200-2600

評價:

~ Blog 1
~ Blog 2
~ Blog 3

4. 康橋商旅城市之星-新崛江館
價格: NT2800-3600

評價:

~ Blog 1
~ Blog 2
~ Blog 3

仍在考慮及煩惱中........

---

• 留言者: 小藍
• Email: littleblue619@yahoo.com.hk
• 網址:
• 日期: 2009-12-04 08:27:00

康橋個名好熟 唔知係咪我O個時入過去參觀o個間? 印象中好靚, 不過係時鐘o個種格局, 一入房門有塊鏡, 入面又係有個地台o係張床下面, 影左好多相不過我冇睇過><係好有情調既房黎架~ 不過唔肯定係咪呢間, 亦唔知我地參觀既係邊種房型:p

2010高雄/台中婚照之旅

今次去台中影婚紗相之餘, 梗係要順便玩吓架啦....所以...我地總共會去6日5夜呀...

鐵定2010年2月16日出發, 21日回來...享受影相樂趣既同時, 又可放鬆一下身心...哈哈...一舉2得.

初步行程:
~ 2月16日-17日: 高雄
~ 2月17日晚上-21日: 台中

高雄景點:
1. 橋頭糖廠
2. 旗津半島
3. 夢時代摩天輪
4. 六合夜市
5. 瑞豐夜市

台中景點:
1. 自然科學博物館
2. 逢甲夜市
3. 集集
4. 車埕

---

• 留言者: 小藍
• Email: littleblue619@yahoo.com.hk
• 網址:
• 日期: 2009-12-04 08:31:00

當年冇做功課…我唸我只係去過六合夜市,  同埋匆匆忙忙走左一轉墾丁