一波三折

一心以為下星期二就可以懷著興奮既心情出發, 去展開呢個期待左10個月既旅程.......點知.........自己唔爭氣.....唔知食錯左d咩野....又胢又嘔....半夜仲發冷發熱.....已經2日了.....病假又請左, 瞓都瞓左2日, 醫生睇左2個, 究竟趕唔趕得切好番架????  係咪真係我黑仔? 定係好運黎之前, 要先黑一陣架呢?

仲有, 台中天氣報告話會落雨, 好驚, 點算好???

masaLiLi 溝通單

今日4點個時, 收到一個sms, 係masa send黎既, 原來仲有14日咋, 因佢地係影相前2星期才會發出溝通單......仲有14日就係我等左10個月既影相日期, 心情實在好興奮, 覺得好真實, 好近......

跟住佢地既指示上去會員中心個度check下張溝通單, 其實真係幾難填架....我地對影相又唔係太在行, 所以問左朋友仔個friend點填, 佢地啱啱係1月影完返黎.  佢地話暫時只係用自己既理解能力填就ok架啦....到同攝影師溝通個日, 佢地會比多d sample你睇點分佢地張form既名詞.....哦.....咁樣....ok啦....以下就係我以自己既認知填既溝通單:

其實傳統美同古典係點分既呢, 咁古典同典雅既最大分別又係咩???
線條素雅唔通係個頭set到一條條好明顯咁?浪漫法拉又即係點? 真係好唔明囉.....都係等到時Martin再解釋好啦....

佢仲有一行係寫比攝影師的話, 不過唔post出黎啦.....等你地心思思.....haha

---

• 留言者: s
• Email: sfsheasf@yahoo.com.hk
• 網址:
• 日期: 2010-02-21 18:36:00

M&M
唔該晒你呀~
 

---

• 留言者: 曲奇
• Email: cookievancy@yahoo.com.hk
• 網址:
• 日期: 2010-02-09 11:42:00

你到時記得問o下 martin 係o米出去同 roger 自己開返檔 ~ 哈哈哈 ~
[版主回覆02/10/2010 00:20:00]好呀...返黎覆你......haha

大口仔 Minna no Tabo

搵左咁耐, 最後都係要放棄馬騮仔, 因為真係搵唔到, 無論正印同番梘.....跟住bf話不如買大口仔啦....佢都好鍾意大口仔, 而且都真係好得意喎, 佢睇中左大口仔2009版中式結婚公仔, 尤其愛新娘子既豬牌, 非常之cutie..... 由上年我話搵唔到馬騮仔開始, 佢已經不停話買唔到馬騮仔就買大口仔啦!!!

好啦好啦.....今日去左葵涌廣場買左大口仔啦....不過望耐d, 佢又真係都幾得意既...不過唔係我既代表咁解啫.....

網路申請入臺證

今次去台灣可以試下好方便既"網路申請入臺證", 因上次去個時係搭港龍早機, 而中華旅行社既機場辦事處要早上8時先辦公, 所以上次做落地簽證, 不過都要排成半個鐘架, 可能係早機, 如果遲d既, 可能要更耐. 

今日係網上申請左啦...真係好方便....攞左個"電子收件編號"就得, 去到機場個counter, 就可以比HK$75攞證, 唔使去到台灣個時一定要用台幣, 仲要不設找贖 (不過台證加左價呀, 2009年頭去都係NT200/HK$55,  但宜家要NT300/HK$75, 之前政府又話會同台灣加強合作, 考慮推行免簽證計劃, 宜家無免簽證不止, 仲要加價.....唉.....呃人既!!!)

網路入臺證申請

 

---

• 留言者: 小藍
• Email: littleblue619@yahoo.com.hk
• 網址:
• 日期: 2010-02-05 11:06:00

唔係最少30分鐘?我記得我上次好似45分鐘前

---

• 留言者: 小藍
• Email: littleblue619@yahoo.com.hk
• 網址:
• 日期: 2010-02-03 18:20:00

我入去要65分鐘車程 依家要幾耐之前check in?
[版主回覆02/05/2010 09:50:00]2小時前check-in

---

• 留言者: 小藍
• Email: littleblue619@yahoo.com.hk
• 網址:
• 日期: 2010-02-03 15:12:00

可能朝早o岩o岩等耐d… 我地之前次次都係搵朋友車我地入去, 今次試下搭巴士睇下趕唔趕得切
[版主回覆02/03/2010 16:34:00]應該ok既...之前有人係blog度講過5點幾搭城巴, 8點幾機, 都無咩問題....

---

• 留言者: 小藍
• Email: littleblue619@yahoo.com.hk
• 網址:
• 日期: 2010-02-03 13:36:00

我上次搭10點幾機, 落地等左10-15分鐘弓啦 不過再之前上網做左簽證, 因為太早, 去到中華旅行社等左4個字先拎倒... 哇乜貴左咁多~><
[版主回覆02/03/2010 14:16:00]朋友仔話係機場中華旅行社等5分鐘就ok架啦喎.....不過唔緊要啦....佢地都要係機場攞....咁咪一齊囉....

高雄香格里拉精品旅館

最後都係揀左"高雄香格里拉精品旅館", 早左12月個時已經打左電話去book房, 而且都打左幾次電話去confirm間房(每隔幾個星期), 因為我地唔可以匯錢過去guarantee間房(匯款去台灣又要比charge又要蝕匯率, 間房都係幾百蚊, 無理由比多百幾蚊出去架), 跟住佢地叫我係佢地個web度比錢, 要先打去叫佢地開個booking比我, 跟住再用card比, 不過唔成功, 所以佢地答應今次特別幫我保留間房啦, yeah~~~ 放心晒......

其實佢地咁緊張都係驚我book左又唔去, 佢地d房已經full晒啦....原來係台灣南部/中部, 農曆新年既房間係好緊張架, 好多飯店都會full, 佢地d國民係會由台北去台南過年囉......

再加上:

1. 價格合理: NT2600, 商務雙人客房(包早餐)

2. 地點方便: 高雄車站(前站)行5分鐘 / 捷運高雄車站又係5分鐘

3. 環境裝潢: 2009年全新裝修

4. 飯店型式: 商務式格調

5. 店內設備: 有電腦提供免費上網

 

高雄香格里拉精品旅館

 

評價:

~ Blog 1

~ Blog 2

 

---

• 留言者: 小藍
• Email: littleblue619@yahoo.com.hk
• 網址:
• 日期: 2010-02-03 15:12:00

好掛住當年o係康橋影既相呀, 可惜我一次都未睇過><

---

• 留言者: 小藍
• Email: littleblue619@yahoo.com.hk
• 網址:
• 日期: 2010-02-03 13:37:00

有間康橋幾靚架, 我地入過去參觀
[版主回覆02/03/2010 14:15:00]康橋都有考慮, 不過比較完後, 都係揀左香格里拉.  不過呢間香格里拉唔同人地好貴個間囉.....haha

熱血高校 LOOK

琴日特登係淘寶訂左件"熱血高校"褸(短身中山裝)比bf帶去masaLiLi影相用, 因我想試下影中國look, 而幫佢搵件衫同我襯下....不過唔知最後會唔會用, 帶左去先啦....

件衫好平, 連速遞費都係HK$150, 而且實物都ok, 係香港只係搵到個d普通既中山裝, 唔似呢件咁, 所以都好抵玩.

官方照片1:

官方照片2:

尾班車.......

係上年既5月, 我已開始期待緊今年2月既婚照之旅.....係呢段時間裡面, 不停搵資料, 拍照用品, 拍照地點, Style, 禮服等等....全程投入.....d人仲話...使唔使咁緊張.....其實佢地真係唔明白, 呢輯婚照係我夢寐以求既野, 所以對此十分期待.

上星期MASA發生左去唔去城堡影個件事, 今日又發現esd度d jm話martin同roger都唔做啦....仲要轉人添.....吓.....死....我.....啦.....如果無左martin同roger, 咁仲可以揀邊個呢......呢條問題我問左自己好耐, 但都搵唔會答案.....

好彩, 原來佢地係做埋2月先走, 所以我趕到尾班車......我同自己講, 我真係好好彩, 要去城堡, 可以去到...要搵martin影, 可以趕到....都真係算係咁....起碼暫時唔會有遺憾先....

---

• 留言者: 小藍
• Email: littleblue619@yahoo.com.hk
• 網址:
• 日期: 2010-02-02 14:26:00

點解13號既POST今日先睇倒
[版主回覆02/02/2010 15:06:00]因為我成日都係補寫番囉....但想用番真實既時間嘛....haha