淘寶熱 (團購: 木盒英文字母印仔) ~ CLOSED

宜家大部份既B2B都好興團購/網購, 我都參與左唔少, 買到平野之餘, 又可以加多d自己既idea同元素入my dream wedding, 雖然我對design同diy唔係好叻, 但係仍然想嘗試一下自己一手一出去創造my dream wedding.  每一個女孩子都希望有一個自己心目中最理想既婚禮, 有d人可能係好瑰麗堂煌, 有d人既係好夢幻仙境, 有d既係優雅高貴, 亦有d係鍾意宮廷貴族.  無論你咩野意念都好, 最重要係自己想要既, 既然係自己想要既野, 當然係自己去做係最好既, 如果你有無限金錢, 當然係例外啦, 如果好似我地呢d打工仔, 淘寶真係幫助不少.  佢可以比到你好多野, 無論平貴, 最重要係你可以自己揀自己最鍾意既組合, 而且只係一個平台上面搵到晒, 當然, 缺點係無現貨睇, 要博一博啦. 

黎緊我想買一d英文字母既印仔, 有木盒既, 可以印凸字粉, 係LuLu Bee介紹我買架, 好抵買, rmb15/set, 未計運費, 所以都想問下有無B2B想一齊買, 可以慳d運費, 有興趣既請通知.  遲d仲想買其他野, 到時再問大家有無興趣啦~ 

如有興趣, 請留言說明貨品名稱及數量及電郵(以供聯絡用), 另可加同一賣家既其他產品一次過買, 這樣又可以省一點運費.

http://item.taobao.com/item.htm?id=8647737953

---

• 留言者: 小陳太
• Email: chau_bel@yahoo.com
• 網址:
• 日期: 2011-01-10 20:53:00

Hi, this is my new blog. Come take a look.. will upload 3-D stickers tonight.

喜餅卡

好彩有朋友仔識人做美心既, 咁我買餅卡就可以有員工價啦, 原價$48, 員工價$35, 不過我唔算買得多, 計埋都係個100張, 其他JM買成2-300張個啲先慳得勁.  但係, 慳得1蚊得1蚊, 慳到既又可以將BUDGET撥去第2度, 都係好既.  原先我只係諗住買60張添咋, 不過宜家有員工價既, 買夠100張啦, 用唔晒都可以食左佢, 好過遲啲美心加價, 因為我上網search左, 美心已經有幾年無加價, 今年咩野都加, 都怕連餅卡都要加, 到時又話麵粉,雞蛋加左價個啲衰野.

宜家反而想諗下有無咩野印仔可以用係餅卡個套, 水印? 凸粉印? 貼字? CUT字? 我都想包裝一下啲餅卡, 令”佢地”可以個性化少少….

我都仲要留意奇華幾時有折, 到時要再買多幾十張唐餅, 如果有JM有資料既, 交流下啦, 多謝!

---

• 留言者: bebe_duo
• Email: bebe_duo@yahoo.com.hk
• 網址:
• 日期: 2011-02-10 19:02:00

2月13奇華好似有8折wo
[版主回覆02/11/2011 00:25:00]係? 如果係就到時買埋啦, 費事夜長夢多....thx

---

• 留言者: 小陳太
• Email: chau_bel@yahoo.com
• 網址:
• 日期: 2011-01-11 23:31:00

I also have alot left over ar.... just leave it for my mom to go get cake later.
[版主回覆01/12/2011 00:46:00]OH...u can also sell it through YAHOO BID~~

---

• 留言者: 小藍
• Email: littleblue619@yahoo.com.hk
• 網址:
• 日期: 2011-01-10 16:30:00

之前有jm yahoo bid買美心餅卡只係比員工價貴一蚊
[版主回覆01/10/2011 16:53:00]佢地賺1蚊1張....haha

---

• 留言者: aggie
• Email: aggielkm@yahoo.com.hk
• 網址:
• 日期: 2011-01-08 12:12:00

結婚籌備又少一樣喇, 恭喜~~~, 我自己之前都係預多少少, 剩番既就邊個生日就用黎買生日蛋糕, 都用左2年有多, 就用唒喇.
[版主回覆01/10/2011 13:58:00]真係麻煩晒你兩公婆....呵呵!!

出門酒店篇1 – 宏基國際賓館 (Bishop Lei International House)

唔想係屋企出門既原因係因為屋企間格問題, 亦唔想執屋, 老豆又想我地出門好睇d, 咁就唯有揀酒店出門啦, 但好想搵番中環區既酒店, 因為比較近我真正既屋企.  之但係, 中環既酒店已經係貴架啦, 仲要一定用套房添…因為唔想匿埋係廁所等新郎黎接.  原本都搵到一間無論地點, 價錢, 房間都咁合適既酒店, 點知佢係一年半之內加左1倍價錢, 由2009年X’mas $2200+10% -> 2010年X’mas $3000+10% -> 2011年X’mas $4340+10%, 呢間酒店房我真係好鍾意既, 因為好難得有複式套房, 仲要近我屋企, 可惜佢既價格真係加得離譜, 佢知我好想book所以就算早都唔平比我, 呢個價根本就係最貴既價錢, 當我係water fish, 我真係唔可以咁, 因為佢根本去唔到呢個價, 佢本身都係3星hotel, 2千幾, 3千都可以接受, 但係4千幾真係無可能, 人地Hotel LKF都係4千幾咋, 房間size差唔多大, 不過Hotel LKF唔係複式.

宏基國際賓館 Bishop Lei International House (香港羅便臣道四號)

Duplex Suite II with Sun Room

房間SIZE:              600呎+

房間景觀:              海景, 可遠眺維港

房間間格:              2層複式, 有露台, 有2個Toilet

房間裝修:              Home Feel

房間價格:              HK$4343+10%

酒店LOBBY:         住宅Feel/商務酒店Feel

電梯SIZE:              細

員工SERVICE:     有禮貌

泊車位:                   有自己停車場, 亦可泊門口

交通配套:               酒店位於半山住宅區, 只有shuttle bus/bus/小巴,

                                亦可乘搭半山行人扶手電梯到達

 

-->出門酒店篇~總結

玻璃鞋

經過左漫長既2010之後, 便開始正式進入2011, 亦即係我既時間只係淨番唔多, 我要重新出發去搜尋我既BIG DAY用品.  前幾日係尖沙咀發現左一對高踭鞋唔錯, 用黎for婚紗, 晚裝都ok, 而且個款第時亦可以再著, 可惜佢既高度太高, 所以要再返屋企考慮下先.  個對鞋係真皮既, 摸上手都ok, 造工都唔錯, 價錢好似係$498.

點知過一, 兩日, 我睇番之前係淘寶keep左既收藏夾入面見到同一款鞋, 原來我之前都已經有睇中既, 價錢係rmb298(未加運費).  即係平左成百幾蚊架, 不過都係個句, 太高啦, 要再諗諗同搵搵先.  我諗我真係唔可以再懶啦, 要發揮番之前既格價精神先得啦, 前排都真係唔知自己一直係度做咩, 好似咩野都無做過咁.  黎緊我仲要搵埋wg, eg添呀, 個d真係仲未有心水, 因為我係一直都跟自己budget去搵所有既野, 但係好多野都加左價, 所以要唔outbud既話, 一係就降低要求, 一係就比錢, 一係就努力啲去search, 咁我就先試searching啦~

---

• 留言者: story
• Email: ourstory04@yahoo.com.hk
• 網址:
• 日期: 2011-01-10 10:03:00

話,對紅色好靚wor!!! 我而家都唸緊買唔買對晚裝鞋呀...又心郁郁....
[版主回覆01/10/2011 10:21:00]呢對係淘寶買平成舊幾水架....你可以考慮一下...不過最大問題係太高~~

---

• 留言者: aggie
• Email: aggielkm@yahoo.com.hk
• 網址:
• 日期: 2011-01-03 21:29:00

對鞋幾靚喎  不過學樓上O個位話斎, 對鞋高左D, 你BDAY O個日著都幾係野, 番到屋企對腳有排痛呀姊妹.
[版主回覆01/04/2011 00:51:00]我都知太高, 所以先要考慮...如果唔係...已經一早買左啦...XD

---

• 留言者: Fi
• Email: fionaytw@yahoo.com.hk
• 網址:
• 日期: 2011-01-02 23:41:00

對鞋好高呀!!不過經淘寶買鞋都驚唔岩或者唔好著呢,你有無去過swet poison睇?佢地啲鞋都幾靚咔!
[版主回覆01/03/2011 00:43:00]未呀...不過個對係尖沙咀有賣, 可以去個度試   e....我岩岩去search下個間sweet poison, 我咪就係個度睇度呢對鞋囉...

MASA219兵團1週年 (2010-12-28)

一年前....因為MASALILI, 我地3個由不同既地方, 背景, 不約而同揀左219呢個日子, 遠道台中, 為既就係大家都追尋既夢幻pre-wedding.  記番上年2009-12-28, 我仲担心緊大家第一次見面會點, 會唔會有d生曖?估唔到我地好似一見如故, 有講唔完既話題, 哈哈.

亦因為咁, 造就左今日既219兵團, 當中2位隊友已經完成左佢地既第1站, 希望佢地可以係前面鼓勵同支持我, 等到出年, 我地再係第1站會合, 而我地每年都會為我地既相識飲杯同慶祝~

今年我地選擇左食"曝肥"去慶祝一番, 慶祝2位戰友既大解放.  唔知出年既12-28會唔會係我既大解放呢?

多謝晒你地既禮物呀!!

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-30 15:57:00

你出年仲要解放D呀?XD
[版主回覆12/30/2010 15:58:00]可能要啦....食食食...

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-30 15:47:00

好似你仲解放過我XD
[版主回覆12/30/2010 15:55:00]我個唔係叫解放呀...係平時咁咋.

-1週年(續)

正式踏入1年倒數階段, 之前成日個口都係度講仲有排啦, 成2年後既事, 到左今日, 終於都只係淨番1年啦, 時間真係過得好快, 個心開始有緊張啦, 黎緊呢段時間裡面, 我真係要加快速度先得啦, 因為我其實都真係仲有好多野未做, 亦有好多野想做, 我唔希望只係得個講字, 好想去實行, 希望可以做得到啦~

講番呢個-1既慶祝活動, 首先係平安夜既劉華concert, 個日我地雖然唔係同劉華一齊倒數聖誕, 不過都無損我地既雅興, 唯一唔高興既係我地前幾行既一對情侶, 成日企係度影相, 大佬呀, 得你地睇咩, 人地唔使睇啦, 自私到死, 仲要成日攬住, 要攬返屋企啦, 成幅牆咁, 真係比佢地激死, 我地前面個行既人都忍唔住發疲氣.

到左25號, 我地去左深圳既香格里拉食buffet, 野食係唔錯既, 款式亦多, 不過形式同香港既有少少唔同, 例如: 生蠔係限量既, 要排隊, 而且每人每次限4隻(香港係無限量); 即淥海鮮係要排隊係度等佢淥 (香港係攞住個牌返位等既).  之但係, 價錢方面, 深圳既又真係平一半wor, 而且啲野食都係新鮮既, 仲要包左果汁, 汽水, 啤酒任飲, 而紅酒/白酒都包左1杯.  原價係rmb288+15%, 係2星期前book有9折, 不過我係之前已經有個訂位紀錄, 同佢地講下, 叫佢地比番個9折我得唔得, 開頭都話唔得架, 點知埋單個時有比9折我wor…所以都係抵既, 宜家都係rmb250+15%之嘛.  跟住仲去揼左個靚骨, 不過都係好多人既~

今年既X’mas係有雙重意義, 而今年既四葉草頸鍊真係好有代表性, 等同佢送左啲幸福比我, 呢份禮物係我收到最開心既一份, 多謝呀~

 

-1週年

距離我地既大日子仲有1年零2日, 為左係今年既”-1週年”, 我地決定隆重其事 ~ 出遊2日慶祝. (註: “-1週年咁正既terms係blog友仔小藍提供….多謝!)

不過2日可以去邊呀, 唔係離島個d, 就係深圳,澳門個d.  而且我地既大日子係X’mas Day, 週圍都貴到癲左, 尤其係今年2010年, 咩野都加價, 去食餐大餐無$700-800一位都唔使諗呀…所以我地決定去深圳, 食吓飯, 揼吓骨咁, 輕輕鬆鬆過2日2人世界啦. 

話雖如此, 以我既格價精神, 無理由唔試下check埋深圳酒店既X’mas Buffet價錢既, 所以唔係hk食大餐, 都可以去深圳食啫(我自己咁諗咋!).  係深圳Openrice入面search到唔少4-5星酒店buffet價錢, 其實係深圳食X’mas Buffet一般都要rmb388以上, 有d要rmb588添….計番匯率, 同hk食真係相差無幾, 不過….搵下搵下….比我搵到間正野…我之前公司outing去左Shangri-La Shenzhen食Lunch Buffet, 因為係我攪既, 所以有留contact比佢地, 前2日收到佢地既promotion email, 佢地既X’mas Day Dinner Buffet只係rmb288+15%, 仲要包drinks同1杯wine. 嘩…真係抵wor…因為上次去食過都唔錯呀…如果以同級既酒店price比較, 佢真係叫抵既, 所以我都2話不說就book左lu.

2010-12-25呢個"-1週年", 我都有慶祝活動, 又有大餐食, 好happy呀!!  食完番黎再報告比大家知啦~

Merry Christmas & Happy New Year~

 

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-24 12:54:00

係我提供既咩? 我都係睇人地blog見倒XD我自己都冇用過呢個TERM XD
我-1當日就係婚事公諸於世既日子喇~
自助餐都係澳門平靚正~可惜上次生日食唔倒呀>< 唔知幾時至有機會去自助山~~
你咪食得好密囉自助餐~
[版主回覆12/24/2010 14:50:00]哈哈...今個月有口福...成左幾次buffet....Shenzhen Shangri-La都ok架...你下次都可以去試下...我之前食過一次啦...平時係平d添...不過當然...我都覺得自助山係無敵既...XD

---

• 留言者: aggie
• Email: aggielkm@yahoo.com.hk
• 網址:
• 日期: 2010-12-23 22:00:00

你既價格精神我是非常了解的哦 話唒我識左你十幾年嘛. 如果我可以好似你咁, 唔咁求其就好啦. 可惜我是人馬座, HEHE...
離我做你姊妹仲有-1年零2天, 我依家已經好期待同興奮喇, 你結婚我就好似有個姐姐要嫁出去咁, 希望個日事事如意, 我生完可快D收身, 同你一樣可以以最佳狀態見人啦. 希望個日我老公可以OFF, 帶埋BB一齊黎就最PERFECT喇. (全都係希望)
MY DEAR FRIEND~~
[版主回覆12/24/2010 00:57:00]無計啦...見係你咋....唯有幫你格埋啦...HAHA~~ 我都好希望你地一家可以一齊出席呀....出d力迫迫佢啦...