MASA219兵團1週年 (2010-12-28)

一年前....因為MASALILI, 我地3個由不同既地方, 背景, 不約而同揀左219呢個日子, 遠道台中, 為既就係大家都追尋既夢幻pre-wedding.  記番上年2009-12-28, 我仲担心緊大家第一次見面會點, 會唔會有d生曖?估唔到我地好似一見如故, 有講唔完既話題, 哈哈.

亦因為咁, 造就左今日既219兵團, 當中2位隊友已經完成左佢地既第1站, 希望佢地可以係前面鼓勵同支持我, 等到出年, 我地再係第1站會合, 而我地每年都會為我地既相識飲杯同慶祝~

今年我地選擇左食"曝肥"去慶祝一番, 慶祝2位戰友既大解放.  唔知出年既12-28會唔會係我既大解放呢?

多謝晒你地既禮物呀!!

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-30 15:57:00

你出年仲要解放D呀?XD
[版主回覆12/30/2010 15:58:00]可能要啦....食食食...

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-30 15:47:00

好似你仲解放過我XD
[版主回覆12/30/2010 15:55:00]我個唔係叫解放呀...係平時咁咋.

-1週年(續)

正式踏入1年倒數階段, 之前成日個口都係度講仲有排啦, 成2年後既事, 到左今日, 終於都只係淨番1年啦, 時間真係過得好快, 個心開始有緊張啦, 黎緊呢段時間裡面, 我真係要加快速度先得啦, 因為我其實都真係仲有好多野未做, 亦有好多野想做, 我唔希望只係得個講字, 好想去實行, 希望可以做得到啦~

講番呢個-1既慶祝活動, 首先係平安夜既劉華concert, 個日我地雖然唔係同劉華一齊倒數聖誕, 不過都無損我地既雅興, 唯一唔高興既係我地前幾行既一對情侶, 成日企係度影相, 大佬呀, 得你地睇咩, 人地唔使睇啦, 自私到死, 仲要成日攬住, 要攬返屋企啦, 成幅牆咁, 真係比佢地激死, 我地前面個行既人都忍唔住發疲氣.

到左25號, 我地去左深圳既香格里拉食buffet, 野食係唔錯既, 款式亦多, 不過形式同香港既有少少唔同, 例如: 生蠔係限量既, 要排隊, 而且每人每次限4隻(香港係無限量); 即淥海鮮係要排隊係度等佢淥 (香港係攞住個牌返位等既).  之但係, 價錢方面, 深圳既又真係平一半wor, 而且啲野食都係新鮮既, 仲要包左果汁, 汽水, 啤酒任飲, 而紅酒/白酒都包左1杯.  原價係rmb288+15%, 係2星期前book有9折, 不過我係之前已經有個訂位紀錄, 同佢地講下, 叫佢地比番個9折我得唔得, 開頭都話唔得架, 點知埋單個時有比9折我wor…所以都係抵既, 宜家都係rmb250+15%之嘛.  跟住仲去揼左個靚骨, 不過都係好多人既~

今年既X’mas係有雙重意義, 而今年既四葉草頸鍊真係好有代表性, 等同佢送左啲幸福比我, 呢份禮物係我收到最開心既一份, 多謝呀~

 

-1週年

距離我地既大日子仲有1年零2日, 為左係今年既”-1週年”, 我地決定隆重其事 ~ 出遊2日慶祝. (註: “-1週年咁正既terms係blog友仔小藍提供….多謝!)

不過2日可以去邊呀, 唔係離島個d, 就係深圳,澳門個d.  而且我地既大日子係X’mas Day, 週圍都貴到癲左, 尤其係今年2010年, 咩野都加價, 去食餐大餐無$700-800一位都唔使諗呀…所以我地決定去深圳, 食吓飯, 揼吓骨咁, 輕輕鬆鬆過2日2人世界啦. 

話雖如此, 以我既格價精神, 無理由唔試下check埋深圳酒店既X’mas Buffet價錢既, 所以唔係hk食大餐, 都可以去深圳食啫(我自己咁諗咋!).  係深圳Openrice入面search到唔少4-5星酒店buffet價錢, 其實係深圳食X’mas Buffet一般都要rmb388以上, 有d要rmb588添….計番匯率, 同hk食真係相差無幾, 不過….搵下搵下….比我搵到間正野…我之前公司outing去左Shangri-La Shenzhen食Lunch Buffet, 因為係我攪既, 所以有留contact比佢地, 前2日收到佢地既promotion email, 佢地既X’mas Day Dinner Buffet只係rmb288+15%, 仲要包drinks同1杯wine. 嘩…真係抵wor…因為上次去食過都唔錯呀…如果以同級既酒店price比較, 佢真係叫抵既, 所以我都2話不說就book左lu.

2010-12-25呢個"-1週年", 我都有慶祝活動, 又有大餐食, 好happy呀!!  食完番黎再報告比大家知啦~

Merry Christmas & Happy New Year~

 

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-24 12:54:00

係我提供既咩? 我都係睇人地blog見倒XD我自己都冇用過呢個TERM XD
我-1當日就係婚事公諸於世既日子喇~
自助餐都係澳門平靚正~可惜上次生日食唔倒呀>< 唔知幾時至有機會去自助山~~
你咪食得好密囉自助餐~
[版主回覆12/24/2010 14:50:00]哈哈...今個月有口福...成左幾次buffet....Shenzhen Shangri-La都ok架...你下次都可以去試下...我之前食過一次啦...平時係平d添...不過當然...我都覺得自助山係無敵既...XD

---

• 留言者: aggie
• Email: aggielkm@yahoo.com.hk
• 網址:
• 日期: 2010-12-23 22:00:00

你既價格精神我是非常了解的哦 話唒我識左你十幾年嘛. 如果我可以好似你咁, 唔咁求其就好啦. 可惜我是人馬座, HEHE...
離我做你姊妹仲有-1年零2天, 我依家已經好期待同興奮喇, 你結婚我就好似有個姐姐要嫁出去咁, 希望個日事事如意, 我生完可快D收身, 同你一樣可以以最佳狀態見人啦. 希望個日我老公可以OFF, 帶埋BB一齊黎就最PERFECT喇. (全都係希望)
MY DEAR FRIEND~~
[版主回覆12/24/2010 00:57:00]無計啦...見係你咋....唯有幫你格埋啦...HAHA~~ 我都好希望你地一家可以一齊出席呀....出d力迫迫佢啦...

shanlung 白色帳縵下的浪漫婚禮 (19-12-2010)

終於到左我地3個期待左好耐第2個大日子 ~shanlung wedding~.  Shan係1218個日攪左個Bridal Shower Party, 我都有份去玩.  今次好開心, 因為我都係第1次去Bridal Shower, 而且仲可以係酒店過一晚, 第2朝就出席Wedding Lunch Banquet .

個晚我地成班女仔係酒店度開party, 我地仲有一team DIY高手, 佢地好勁, 由無變有, 只係用紙, 竟然可以造出一條媲美真wedding gown既紙gown.  而且真係好靚架, 有心型胸位, 有腰位大蝴蝶結, 仲要有埋拖尾, 連小皇冠同頸鍊,手鍊都整埋, 真係唔講得少.  佢地既功力真係深厚, 簡直係地球最強組合.

到左1219呢個重要時刻, 當日估唔到仲有驚喜, 當然驚喜唔係比我地架啦, 係比新娘子架, 新朗好浪漫呀, 佢親手整左個花球比新娘. 個日新娘一直揸住係手既花球, 原來係之前一晚, 係我地開緊party時, 靜靜地為新娘子準備, 而且仲要騙新娘佢都要同班兄弟開party添.  我地都係當日差唔多完場前先睇到個video, 影番之前一晚, 新朗有幾咁努力整, 為既就係1219個日比新娘既一個浪漫驚喜, shan個時d眼淚係直奔出黎, 真係好感動呀.

 

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-23 12:37:00

我地估倒XD

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-23 12:24:00

PP GOOD JOB~
[版主回覆12/23/2010 12:34:00]係啦...真係估佢唔到...XD

袁黃聯婚 (19-6-2010)

終於到左我地3個期待左好耐既大日子 ~袁黃聯婚~.  我地3個係一年前已經認識, 不過係開始時, 大家都無諗過真係會有機會出席大家既wedding, “袁黃聯婚”係我地既第1個, 我地梗係會好期待啦.  當日我同shan, 仲有其他瑪莎x紅豆’s 既JM都被邀請出席婚禮, 而我亦有幸可以出席觀禮, 見證我地既朋友仔出嫁.  呢個暫時都係我出席咁多wedding之中最特別既一個, 因為整個wedding入面, 都出現左好多唔同既DIY, 所以既野都係小藍一手一腳攪掂, 好少見到一個咁有heart既wedding.  佢用左好多自己既心思, 分享左好多野比大家, 亦因為咁, 佢完成左自己心目中理想既wedding, 因為無假手於人, 所以當日好多野都好順利.  個日我仲識左佢既攝影師JAN, 見到佢認真工作既一面, 對佢印象即時加深左好多.

 

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-23 15:44:00

word大好多嘛

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-23 15:17:00

咁駛咩用word呀, 用記事本咪得囉~
[版主回覆12/23/2010 15:38:00]咁我又無用開記事本wor....之前用左word就算lu...haha...

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-23 14:34:00

咪即係BACKUP囉~
[版主回覆12/23/2010 14:53:00]又唔係backup呀....因為我仲會用上次你介紹個programe去backup架...呢個只係for寫字架咋...

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-23 14:13:00

咁搞笑~?當BACK UP  呀?
[版主回覆12/23/2010 14:33:00]唔係呀...你唔記得啦...之前yahoo blog成日死...打完d野又會無左, 費事煩啦, 所以我咪寫係word先lor...XD

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-23 12:37:00

下?你寫左O係邊
[版主回覆12/23/2010 14:09:00]我其實有個word file係寫blog用....我一有時間就寫係個度先...如果唔係點會隔左咁耐, 仲記得d細節wor...XD

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-23 12:23:00

哇~估唔到半周年仲會睇倒呢DPOST~XD
[版主回覆12/23/2010 12:32:00]我寫左好耐架啦...懶post啫....sorry~~

CONFIRM 伊甸園 HALL 1 (9-5-2010)

經過一輪爭扎之後, 都係覺得book左場先會好d, 因為我唔同其他JM, 我個大日子係X’MAS, 之前睇過既每一個證婚場地都係要加價, 仲要最少加一千.

既然我可以講到伊甸園唔加價, 仲要比番EXPO個價我(即係減3百), 再加送結婚證書套比我, 咁都應該係最著數架啦.  都有諗過等唔等政府註冊處出左時間表, 睇下12月25日開唔開先, 但係仲要等好耐, 如果最後係唔開, 而伊甸園又比人book到full左, 咁點算, 所以最後當比錢買個保險, 而且又有想要既時間.

咁樣, 就造就左我要年半前book證婚場既決定啦!!! 當然, 各位JM, 如果你個日唔係咩野特別日子, 而且又多場地選擇既話, 係唔使咁早book既.

今日去左book場啦, 最後都係揀左HALL 1, 因為比較喜歡佢既樓底高度, 仲有佢既佈置.  不過仍要注意一下當日既背光問題, 因為聽人講HALL 1係下午時間係幾背光既, 唯有叫攝影師就一就啦.

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-22 14:27:00

有專業閃燈應該冇問題

註冊場地篇 (3-4-2010)

我既big day係公眾假期, 仲要係聖誕節, 原來政府既婚姻註冊處係唔開架, 咁唯一既選擇, 只係有坊間既私營註冊場地或者係請律師證婚. 

律師證婚就應該唔會考慮, 因為我唔會係d戶外場地證婚, 而且仲要用多一筆錢佈置, 租場, 宴客呀咁, 所以即係只有婚宴當晚係酒樓證婚, 但係……我夢想既簽字承諾終生幸福既地方唔係酒樓, 覺得唔夠莊嚴, 而且有時d賓客都唔想睇你證婚, 宣誓個刻d人都會睇下既, 但簽名同影相個時, d賓客真係好無聊, 唔知做咩好, 係度呆等, 所以唔想大家咁唔專心, 都係搵番坊間個d註冊場地算了.

唯一選擇:

由於我出門, 入門, 擺酒既地點都想係香港中上西環, 所以伊甸園既HALL1 同 HALL8變成係唯一既選擇, 仲要係聖誕節, 即係又要同人爭時間.

伊甸園(中環碼頭2號 &中環碼頭8號)

HALL 1 (中環2號碼頭)

外觀: 位處於2號碼頭1樓, 人流較少, 因船隻為來回珀麗灣至中環航線, 但不知怎樣, 地面上總是濕溚溚, 會否只因睇場日子為4月份春季, 還是整年都會係咁呢?

佈置: 優雅, 一入去有種grand既感覺

樓底: 頗高, 一定比HALL 8 高

整潔: 除室外地方之外, 室內環境非常滿意

座位: 椅套比較舊, 有少少變色

影相位佈置: 好好, 佈景美觀

空間: 一定足夠30-40人觀禮及拍照

 

HALL 8 (中環8號碼頭)

外觀: 位處於8號碼頭地下, 人流比2號碼頭多, 因船隻為來回紅磡至中環航線

佈置: 天花上圍了櫻花, 而且好似穿過一條櫻花隧道進入禮堂既感覺

樓底:比HALL 1 低

整潔: 除室外地方之外, 室內環境非常滿意

座位: 椅套新淨, 因剛換了, 不過可能1年後都係會好舊架啦

影相位佈置: 比HALL 1細, 佈景OK

空間: 一定足夠20-30人觀禮及拍照

AMANDA = AVITA (台中新秘)

搵到呢個MUA真係幾意外架, 因為佢其實之前係MASALILI度幫我既MUA, 本身佢之前都有人問佢會唔會考慮黎HK接job, 但佢都話唔考慮住. 而咁啱我係今年2月去影masa, 點知佢突然想轉換工作環境, 暫時想離開masa, 仲要我識左佢之後, 我地有交換contact, 我都問左佢好幾次可唔可以黎hk幫我, 而且我覺得佢既手法同態度都係非常之好, 令我好放心將個日交比佢.

經過幾次商議之後, 佢終於答應肯幫我呀, 而且我係咁早就已經約定佢啦, 所以佢都覺得可以.  真係太好lu…我覺得我比其他人來得幸運, 唔使左搵右搵, 左試右試, 仲要同其他JM去爭個d好同出名既MUA.

我big day既MUA就係AVITA啦, 如果係masa既fans都一定識佢架啦…HAHA.

BTW, 佢宜家除左會接新秘工作, 亦會幫紅豆婚紗做MUA(係紅豆係叫Amanda), 大家請多多支持...HAHA!!

http://www.wretch.cc/album/wedding1413

---

• 留言者: mrs. w
• Email: jw.2013@yahoo.com
• 網址:
• 日期: 2011-09-02 17:31:00

thanks for adding me~ :)
why she needs to change name?
yes, i may need your help, but let me do some more research first~~ thanks thanks! :)
[版主回覆09/03/2011 02:04:00]Because of her ex-company.....they do not allow she use her original english name as they had used her name for brand and promote her.

---

• 留言者: 小藍
• Email: littleblue619@yahoo.com.hk
• 網址:
• 日期: 2010-12-21 22:24:00

幾時有UPDATE啊~

---

• 留言者: Ms. Messy
• Email: bewithyou00@ymail.com
• 網址:
• 日期: 2010-11-02 11:15:00

我愛死佢了~ >O<!
[版主回覆11/04/2010 23:43:00]哈...佢幫你整得好靚呀!!

---

• 留言者: 小藍
• Email: littleblue619@yahoo.com.hk
• 網址:
• 日期: 2010-10-25 22:22:00

你有冇試菜
[版主回覆10/26/2010 00:12:00]有呀.....試完即落訂LU

---

• 留言者: 小藍
• Email: littleblue619@yahoo.com.hk
• 網址:
• 日期: 2010-10-23 22:17:00

我今日好似路過你擺酒間酒樓
[版主回覆10/25/2010 21:40:00]原來岩岩有朋友仔去個度飲完...佢話d野食好味呀!!

---

• 留言者: crystal
• Email: crystal730@ymail.com
• 網址:
• 日期: 2010-08-11 23:33:00

嘩~~~~AVITA
台灣請過黎貴唔貴呀?
[版主回覆08/11/2010 23:37:00]平過跟全日既JOE YUAN....你都有興趣嗎?

---

• 留言者: 曲奇
• Email: cookievancy@yahoo.com.hk
• 網址:
• 日期: 2010-08-08 12:32:00

Avita 我聽過佢大名，但未見過真人呀~
[版主回覆08/09/2010 01:07:00]估唔到你係未見過佢真人喎....HAHA!!

台中新秘(MUA)

我既大日子就係交左比一個專程由台中遠度而來既新娘秘書.  佢亦係之前我pre-wedding時既MUA, 好難得佢可以答應飛來香港幫我, 而且價錢亦好合理, 比起HOLALA既joe yuan仲要抵 (已經計埋佢機票酒店添), 其實佢肯幫我亦係因為佢宜家自己接JOB.

不過係公開既blog頁度, 我現在唔太方便介紹佢太多, 如果大家都有興趣了解一下既, 請通知我加入blog友啦.

宜家比少少我既心水大家睇下, 當然佢仲有好多唔同既style, 唯有等有興趣既JM加入我blog或問我呢位MUA既資料先講啦...HAHA.

我既台中新秘(只限BLOG友)

---

• 留言者: 執相師傅
• Email: digitalimaginghk@yahoo.com.hk
• 網址:
• 日期: 2010-11-05 17:06:00

執相師傅現在提供有條件免費執相服務給有執相需要朋友.只要你要執的相有代表性,同時你同意在网上公開,就能得到免費服務. 收費執相,每張HK30起,比較困難的,睇相后報价. 歡迎攝影師合作. 有興趣的朋友,請 e-mail 我 digitalimaginghk@yahoo.com.hk http://hk.myblog.yahoo.com/digitalimaginghk/

---

• 留言者: MuiMui
• Email: vanwong1219@yahoo.com.hk
• 網址:
• 日期: 2010-09-29 21:30:00

Hi 我都係準新娘，你網誌有好多有用資料，會ADD你希望可以分享一吓 ^^
[版主回覆09/30/2010 00:27:00]哈哈...多謝你呀...不過最近比較忙...少左update...XD

---

• 留言者: Mandy
• Email: mandykayee@yahoo.com.hk
• 網址:
• 日期: 2010-08-12 16:25:00

我唔知呀....我冇上esd八呀....hehee.....你就好啦...masa d mua快靚正...好羨慕喔~
[版主回覆08/14/2010 00:51:00]嗯嗯...上次我地出黎gathering時已經有講過啦...你可能聽唔到!!

JAN WONG

今日好彩有芝士同小藍通知, JAN又再一次加價啦. 經過上一次小藍既婚禮之後, 其實我對JAN攝影手法同工作態度都有好好既評價. 不過佢既價錢比我原先既BUDGET高左少少, 所以一直都未肯馬上去決定用佢. 

但係佢突然間使出一招加價, 真係令我措手不及, 因為JAN其實係我最後都無法搵到代替品時既最後選擇.  我其實好耐之前已經因為小藍既關係而睇佢既相, 都覺得係唔錯架. 只係當時仲未開始搵Wedding Day Photop, 所以一直未問JAN個期同Pricelist.

亦因為咁咁突然既事情發生左, 今日打左比JAN, 問左佢有無我個日既期, 同埋約左佢下星期出黎, 睇多d佢既相同Video, 當然最重要係同佢傾下計, 了解一下佢會唔會明我想要既野同feel.  如果ok既話, 都應該唔會再揀, 會confirm JAN架啦.

Jan Wong Photograph

---

• 留言者: Ki
• Email: heaven_renewal@yahoo.com.hk
• 網址:
• 日期: 2012-05-26 12:53:28

hi~ can u add me?
we also book jan and michael
[版主回覆06/19/2012 09:55:44]Sorry for late reply, Jan and Michael is excellent. Added you.....

---

• 留言者: mrs. w
• Email: jw.2013@yahoo.com
• 網址:
• 日期: 2011-09-02 14:26:00

hihi... rmb me?? :)   i have booked Jan and Michael la!~~ :)
I need to use Jan's new price list (18300 for 2P1V) but as my bf and i really like his and michael's style, we booked finally~~  :)  thanks for your help ar~~
now, i m searching for MUA la.....  seems to be more difficult than photog...  any advise?  and i saw your blog, u booked a MUA from Taiwan?  do you mind adding me as blog fd? 
[版主回覆09/02/2011 16:52:00]Added la....My MUA come from TAIWAN, and she is so great.....i really recommend her, but you may face the price will increase on 2013 also.  But she will not let you disappointed.  If you want, I will help to discuss with her and ask her to 試妝 with u when u come to my wedding on DEC.  Certainly, it will have 試妝費.

---

• 留言者: 小藍
• Email: littleblue619@yahoo.com.hk
• 網址:
• 日期: 2010-08-17 18:41:00

我唸好少人好似我咁…未見過攝影師就confirm…XD 結果點呀?
[版主回覆08/17/2010 23:13:00]我confirm左佢啦...多謝你地推介比我. 同小車既價&Package都一樣...hoho....

STARLET MEDIA PRODUCTION

搵左芝士陪我去睇下呢間starlet既snap得唔得, 因為之前多得芝士介紹, 得知呢間公司既video拍得好好, 跟住再深入d睇下佢個web site, 發現原來佢地之前係做電影剪片, 唔怪得個video咁正啦. 我其實對video既要求係要好touching, 有feeling, 最重要係成日都想攞番出黎睇. 

Starlet既video真係有令我d眼淚感動得流了出黎, 雖然我真係d好眼淺既人, 眼淚好易就流出黎, 不過都真係因為感動先會啫.  而且係睇一個陌生人結婚都感動, 所以佢地做得唔錯.

唯一有問題既地方係佢地既snap,
我同芝士上去睇既原因亦係因為snap.
我地對佢既價錢同video都真係幾好評價, 如果普通JM唔係著重snap既話, 佢地真係非常值得推介.

Starlet
Media Production

---

• 留言者: Starlet Media Wedding Production
• Email: singadamshk@yahoo.com.hk
• 網址:
• 日期: 2010-08-16 01:42:00

其實我們snap shot已加入更多元素，有時間也不妨參考一下呢！^^ http://www.facebook.com/photos.php?id=139323672392

BALLROOM @TST

今日約左小車同美玉去尖沙咀既WG/EG公司踩場, 第1站Ballroom, 我同小車6點45分上到去, 全靠美玉Baby幫我地BOOK左時間咋, 因為上面已有另1位客人係度, 個度只可以同時接待2位客人.  一入到去, 職員提供左飲品,花茶比我地, 然後叫我地睇左相簿入面有無鍾意既款式, 可以抄低號碼, 再比實物我睇! 咁我都睇左幾件實物, 質地方面我唔係太識, 我主要係睇款式, 尤其係以租既價錢與款式作比較. 因為如果個件衫既款, 著起既時候唔似番個價,
咁其實可以係第2度租啦, 因為啲衫都唔值, 其次係要啲比較特別既款, 最好係獨家款.

好啦, 講到呢度, 都可以講番對Ballroom啲衫既感覺啦!

呢度既EG都有唔少獨家款, 第一眼已可以Feel到同其他既有唔同, 最重要係啲款既感覺唔會俗氣,
比到人有高貴既Feeling.

至於WG, 相比起EG, 真係無咁大驚喜, 可能係我比較鍾情Elegant X Vintage Crossover, 所以係好難揀, 而佢地LACE拖尾WG旣款式有限, 所以未揾到叮一聲既感覺.

另外價錢方面亦係一個比較重要既因素, 因為結婚呢個大Project已經要用好多錢, 所以每個項目既Budget Control 係要Keep得好好, 除非你有足夠既資源或無限既Support.
好啦, 講番呢度, 其實佢真係唔平, 因為我唔要佢地既WG, 即係只可Join佢地既2件EG Package, 差唔多成$4000, 即係要$2000租1件, 好似有啲貴, 而且要分開幾間公司租既話, 攞衫同還衫都唔方便, 加上我係要平安夜攞衫, 所以呢間係後備席既機會都幾高.

BALLROOM

---

• 留言者: Leung Jen Jen
• Email: leungjenjen@yahoo.com
• 網址:
• 日期: 2010-09-03 02:42:00

Hello 我BD都係2011年尾呀，我都係剛剛起步做 research未找到"The One"，我要努力啦！ 我都有去過Ballroom呀感覺同你一樣 。Add 我呀希望可以互相交流下。
[版主回覆09/04/2010 01:31:00]add左啦...大家交流一下呀...

睇場篇總結

估唔到睇睇下, 已經睇左咁多個場地啦, 真係有d誇張, 不過明知自己要求高, 又要抵, 又要見得下人, 又要野食ok, 仲要有佈置, 都真係唔睇多d都唔得呀.

我地既圍數只係得13-16席, 呢個圍數其實係好尷尬既, 因為係細場同中場之間, 所以要搵一個可以包場, 或者咁講, 係一個可以全場只可容納一對新人宴客既場地, 而且仲要係我地既圍數, 真係唔易架.

所以, 未搵場地既JM, 你地一定要先前去一次婚展搵晒所有酒席既資料, 然後再返屋企先慢慢揀選心目中有機會考慮既場地, 跟住係另一個婚展舉行前, 要實地視察晒所有揀選左既場地, 最後再係婚展作最後講價錢, 同係婚展比錢.  如果你只係婚展搵場地, 但無去過現場視察係好危險既, 因為實地現場真係有變化架, 唔好盡信酒樓/酒店既官方照片.  但如果只係去現場睇, 亦係好難做到, 因為你一定要集中攞晒d資料, 你先至知道市面上有咩地方比你揀, 因為有d可能係擺婚宴出名, 但你唔識既亦有, 咁樣,搵起上黎就會方便好多.

睇場篇01の童軍總會會所 - 金陶軒(尖沙咀童軍總會會所8樓)

睇場篇02の鴻桃酒家(尖東明輝中心3樓)

睇場篇03の聚德軒(尖東半島中心中心2樓)

睇場篇04の彩晶軒(尖東港晶中心2樓)

睇場篇05の彩福皇宴(太子始創中心4樓& 6樓)

睇場篇06の煌府太子(太子始創中心6樓)

睇場篇07の彩福皇宴(佐敦莊士敦廣場2樓)

睇場篇08の煌府188(尖沙咀港景峯2樓)

睇場篇09の鴻星(尖沙咀格蘭中心)

睇場篇10の聘珍樓(中環)

睇場篇11の北京樓(中環歷山大廈)

睇場篇12の煌府銅鑼灣(銅鑼灣廣場1期4樓)

睇場篇13の東海(灣仔海港中心3樓)

睇場篇14の皇廷匯(中環娛樂行3樓)

睇場篇15の鴻星(中環威信大廈地庫)

睇場篇16の旺角陶源(旺角仕德福酒店B1-B2樓)

睇場篇17の彩福欣宴及皇宴店(佐敦NOVOTEL酒店2樓)

睇場篇18の怡翠軒(中環怡和大廈B1樓)

睇場篇19の澳門賽馬會會所 - 金潮閣(上環信德中心3樓)

睇場篇20の玉桃苑(觀塘鱷魚恤中心6樓)

睇場篇21の澳門賽馬會會所 - 黃金閣(上環信德中心1樓)

---

• 留言者: 金金瘋瘋
• Email: kims.beauty@yahoo.com.hk
• 網址:
• 日期: 2011-02-11 22:09:00

好犀利呀咁多睇場篇,想add你做blog友呀,thanks
[版主回覆02/11/2011 23:19:00]HAHA....我係因為見過朋友仔同人share場地既後果(即係間場個d呢), 所以一定要好比心機搵場, 我要既圍數實在太中位數啦, 又唔多,又唔少咁, 細場又唔岩, 大場又太大, 當時真係好鬼煩  ~~  ADD左你啦~~

---

• 留言者: 醜八怪的月芽兒
• Email: tommy_tina0127@yahoo.com.hk
• 網址:
• 日期: 2010-07-19 22:02:00

圍數同你差不多!!映月同翠亨有無睇過?
[版主回覆07/19/2010 22:22:00]映月樓有朋友仔擺過...好似14圍..都可以包到3樓架... 翠亨村...如果tst既就唔好啦...你圍數咁少..唔係好岩...如果中環個間格又係麻麻地...只不過如果想要翠亨村既原因係因為食物囉....我都有主力揀好食既酒樓...宜家最後揀左黃金閣!!

---

• 留言者: 小草
• Email: febylai@yahoo.com.hk
• 網址:
• 日期: 2010-05-15 00:22:00

其實都係試下架咋....  幫到你就好~ 都無話邊個抄邊個呀, 我都係睇人地果d成品黎偷師~
[版主回覆05/16/2010 02:05:00]你個d真係好正...快d教我地多d diy啦..我地好需要你架...thx

---

• 留言者: 小草
• Email: febylai@yahoo.com.hk
• 網址:
• 日期: 2010-05-14 10:26:00

嘩, 你好勁呀﹗咁勤力睇場﹗
我睇左6,7間左右咋~
[版主回覆05/14/2010 15:17:00]你都好勁呀...我睇過你既DIY呀...超正囉...希望你唔介意我想抄下你既DIY呀....

---

• 留言者: 小藍
• Email: littleblue619@yahoo.com.hk
• 網址:
• 日期: 2010-05-10 14:34:00

LOGIN左冇理由開唔倒喎

---

• 留言者: 小藍
• Email: littleblue619@yahoo.com.hk
• 網址:
• 日期: 2010-05-08 20:39:00

你真係一出幾廿篇…XD
[版主回覆05/09/2010 01:55:00]哈哈...勁嗎??

---

• 留言者: shanlung
• Email: shanlungc@yahoo.com.hk
• 網址:
• 日期: 2010-05-04 12:59:00

wow~ 你真係睇左好多間ar!!!
[版主回覆05/05/2010 22:27:00]係呀...係21間裡面...終於搵到my favour啦...