第1件 DIY 作品 ~ ~ 香檳杯

第1件 DIY作品終於誕生啦.....由頭到美都無美術天份既我, 竟然大膽到想學人地整DIY既野比自己個DREAM WEDDING, 原因咪就係識左班好JM囉....眼見人地個個玩DIY, 玩得咁開心, 真係好想試下個種喜悅同滿足感, 我有的是時間, 我可以慢慢學, 真係做唔到先放棄都未遲啦 XD (自己一直比藉口自己).

今次去影Pre-Wedding, 我好想帶隻香檳杯去影, 因之前見過有JM用過, 真係好靚.  跟住開始周圍搵最平既杯啦, 因為帶到去個度, 好易打爛, 如果貴既好唔抵....搵左好耐, 格價格左好多間, 搵到上環公啟行係最平既, 一隻普通既, 十幾蚊都有交易.  然後再去買絮絲帶啦, 最初只係買左金色, 一心諗住只係用最簡單既蝴蝶結算數, 因我唔係咩手工藝專家, 呢方面係無idea既, 但又唔係好想咁普通, 再問下shan同小藍有咩意見, 傾傾下, 除左貼鑽之外, 仲比我搵到芝麻包既blog, 佢有教人整香檳杯蝴蝶結, 所以跟佢照整. 希望下次可以有時間再諗多少少自己既創意啦, 因為今次隻杯太趕用啦, 唯有照住人地個design做住先 XD.

唔知係唔係第1次整好生手, 定真係天份既問題, 硬係人地個d靚好多, 希望影相出黎既效果唔覺得差啦.....haha

下次一定要再整好d, 再接受挑戰呀.......