MnM: 朱古力特工 (DIY Chocolate)

上回提到我既219JM~Mrs PP送我朱古力天書, 希望幫我練成獨門朱古力神功, 可以係大婚當日, 一展所長. 由於要練成朱古力神功係要通過好多考驗, 其中一個係調溫, 呢個原來係好難架, 如果溶朱古力時溫度控制唔好, d朱古力就會變得唔靚, 雖然我由頭到尾都係諗住用現成朱古力, 加少少配料, 再整成自己喜歡既四葉草形狀, 放係我既Candy Corner作為小心意....但係一直都對調溫方面無信心.

不過, 皇天不負有心人, 我係yahoo bid度見到有賣家放朱古力機, 原本佢賣$170 (其他賣家賣$350), 不過同佢傾傾下, 佢肯減比我, 收我$120, 因為多謝佢呀, 部機係全新架, 因為佢放左佢屋企好耐都無用過, 而且要搬屋,見我又係為左結婚用, 所以就平比我啦.

宜家我同d姊妹團諗好左, 遲d一齊試玩呢個呢個朱古力制作, 希望會有新火花啦....