MnM: 花嫁の環

顯示具有 花嫁の環 標籤的文章。顯示所有文章

2009年9月19日星期六

我既花嫁の"環"

好開心呀, 等左成個月, 之前係pink box訂既婚戒有得攞啦!!

好心急, 今晚攞完之後, 第一時間同"佢地"影返輯寫真先!! 真係好靚呀!~~

新舊盒對照, 都係舊個款(白色)靚好多, 又可以註冊時當戒指盒用!!~~

2009年8月22日星期六

訂左lu ~~ PINK BOX

睇過咁多間鋪之後, 最後都係買PINK BOX, 因為佢D款係最啱我心水既, 而且係8月23日前買有75折. 我去過幾間PINK BOX度睇 (因為想睇多幾次先買, 哈哈!)

我發覺荃灣個間SERVICE係最好既. 我之所以揀佢係因為佢地好有心咁幫我搵到已停用既舊版戒指盒, 佢地個盒好靚架, 可以第時註冊時用作戒指盒, 而且佢地宜家因為要搬鋪, 所以又有珍珠手鍊送, 可以送比媽媽. 個SALES仲送左隻杯比我, 其他人無架.

我地訂左呢款, 一隻8 1/2號, 一隻15號, 一個月後就有得攞啦, 好開心呀....

佢地比左個盒我裝條手鍊, 個盒好靚, 下次去攞戒指時問佢地攞多幾個裝龍鳳鐲, 呵呵!!~~

留言者: blue
Email: bluebird9218@yahoo.com.hk
網址:
日期: 2009-08-27 19:27:00

嘩!!!真係好靚呀!
個盒都好掂呀!

留言者: 小藍
Email: littleblue619@yahoo.com.hk
網址:
日期: 2009-08-26 11:45:00

係?依家咩款架?
[版主回覆08/26/2009 19:24:00](Empty)

留言者: 小藍
Email: littleblue619@yahoo.com.hk
網址:
日期: 2009-08-25 22:51:00

我都有呢個盒XD 依家日日都O係入面拎同放戒指XD
[版主回覆08/26/2009 10:16:00](Empty)

2009年8月21日星期五

福來珠寶

早幾日睇ESD LIFE, D人話有間金行D婚戒好抵買, 都係有幾間鋪既, 不過係九龍灣, 將軍澳同油塘啫, 唔緊要, 最緊要係有款同平, 佢地話佢D款好過出面個D大金鋪, 而且去油塘間鋪搵"德哥"最平, 佢一聽到係網友介紹, 即刻自己識做, 比個最低價, 價都唔使講, 如果唔信可先去其他鋪問左價錢先, 再去搵佢比較即知.

咁我都想去睇埋先, 所以琴晚就去左九龍灣間鋪度睇, 佢地D標價真係平D, 而且款都OK, 服務態度好好, 不會迫你買, 仲話你有時間, 可以當行街去埋佢地其他鋪, 仲有D唔同款添. 佢地呢D先係服務, 唔會好似出面D大金鋪為左爭生意, 係咁問你有無之前去過佢地D分店呀...又好hard sell 呀咁...

佢地D戒指款仲可以按自己要求作更改設計, 不過佢地有D款就真係幾似人地D款既.

可惜, 我可能始終情繫PINK BOK既一對戒指, 最終都唔係好啱, 所以都無去搵"德哥"攞DISCOUNT.

六福本身D款真係好多, 但有好多都係差唔多款, 走訪左幾區六福後, 發現佢地既服務態度比其他既大行差, 可能係知道我地買既價錢少, 佢地既TARGET係國內同胞, 動不動就十幾廿萬, 我地呢D買對幾千蚊既戒指仔, 又要揀款, 又話要睇BUDGET, 不如招呼多幾個同胞好過. 去過銅鑼灣SOGO隔離既六福, 佢地好多人, 星期五夜晚咋, 又唔係假期, 睇戒指要等位, 好啦好啦, 等就等啦, 鬼叫D人話六福平咩, 而且係FORUM度問左人攞VIP NO., 佢已經UPGRADE到去黑卡, 有82折, 咁梗係睇下有無啱啦.

終於等到位啦, 有個叔叔來招呼, 咁我咪話睇下18K白金對戒有石個D囉, 佢攞左幾盤出黎比我睇, 我睇唔啱, 問佢仲有無其他款, 跟住佢都有再攞, 但都唔啱, 佢D款真係好多差唔多, 唔知係佢地將D差唔多款既放埋一盤, 定係佢地D款只有少少分別, 總之我唔啱款, 咁再問佢啦, 點知佢話"小姐, 你都睇左5, 6盤架啦喎, 都無啱咩", 嘩....有無攪錯, 一入去睇幾盤就要有啱, 你估你好多款揀呀, 係平, 但都要鍾意先得架, 唔鍾意點做結婚戒指呀....而且我一早表明我有VIP NO., 咁佢都知我有做功課先去, 唔係攪攪振, 但佢都無心做我生意, 算....走人.

跟住過幾日去左旺角彌敦道六福(信和對面大個間)再睇一次, 今次呢個SALES哥哥就好好人, 而且好有禮貌, 仲比左好多款我睇, 再計左個VIP價比我做參考, 我話想返去同男友傾傾, 問佢有無CATALOGUE, 佢話無, 已經派晒, 我問可唔可以影張相比男友睇, 佢話無問題, 仲幫我擺埋價錢牌黎影, 怕我唔記得幾錢, 呢D先係SERVICE. 比大家睇睇我覺得OK既款:

第一對比較鍾意D, 就呢2對為例, 啱我地SIZE既, 折左都係6千左右, 仲要有咁多石添.

留言者: blue
Email: bluebird9218@yahoo.com.hk
網址:
日期: 2009-08-27 19:33:00

都係pink box果款靚好多!!!
我覺得六福我d"娘"
[版主回覆08/28/2009 00:18:00]所以最終揀左PINKBOX.

留言者: 小藍
Email: littleblue619@yahoo.com.hk
網址:
日期: 2009-08-25 22:57:00

我地唔要石呢間冇咩揀睇過一隻新款龍鳳鐲4萬幾=0=
[版主回覆08/26/2009 10:17:00]你要vip no. 嗎, 都係網友比架.

2009年8月1日星期六

PINK BOX vs PN vs SHELLI

上網搵過佢地既戒指款, 主要都係18K白金款, 不過有石, 其實我男友比較想買有石, 佢自己個隻唔要石, 話費時跌左粒石, 又係既, 之前同佢買左對情侶戒, 粒石都可以跌左, 真係無佢符. 但佢想我個隻有石, 所以都睇下其他. 咁其實有d都ok既, 不過我要求高, 我唔想要d太普通太悶個d, 即係人人都揀個d簡單款, 1個圈1粒石個d. 以下個d都ok, 不過要出去睇睇價錢先, 如果有人知幾錢, 麻煩話聲我知, 唔該.

PINK BOX 款:

呢對男友幾鍾意, 佢鍾意個d圖案要2隻放埋一齊先睇到個d款.

PN款, 但PN咁多人買, 會唔會好撞款呢?

Shelli 網上搵既公司, 都有好多人搵佢地訂造婚戒, 而且d款係佢地自己設計, 真係好特別同好靚, 不過好貴, 打去問過, 無石18K白金戒指都要成$9000起, 所以都係得過睇字, 個design費太貴啦.

我之前一睇到呢對戒指就好鍾意啦, 但太貴啦, 呢對咪係$9000無石18K白金款中既其中1款囉!!~~

周生生 V&A

琴日去睇過周生生, 佢地d 婚戒款唔係好多, 睇得上眼既只有V&A系列, 我開始懷疑自己其實可能鍾意d有字既款, 因為我見佢地有幾對刻左d古代文字既戒指非常有興趣, 而且仲要係PT950鉑金, 價錢可接受. 不過SALES姐姐話, 如果我要買就要預2個月時間訂製, 因無我手指size, 咁我要快d睇埋其他個d鋪頭先得啦, 如果唔係邊有戒指帶去台灣, 數數下, 其實好似要帶好多野過台灣添, 今次呢輯婚紗相認真大陣仗!!~~~

呢2款都係我鍾意既, 而且仲有博物館編號, 真係按照 "POSY RING" 仿制.

"PENCE DE MOY" = Think of Me 隨時想起我