2009年9月19日 星期六

我既花嫁の"環"

好開心呀, 等左成個月, 之前係pink box訂既婚戒有得攞啦!!

好心急, 今晚攞完之後, 第一時間同"佢地"影返輯寫真先!! 真係好靚呀!~~


新舊盒對照, 都係舊個款(白色)靚好多, 又可以註冊時當戒指盒用!!~~


張貼者： 於 沒有留言:
標籤：

2009年9月17日 星期四

MASALILI 新增攝影行程~~~

今日諗住開始慢慢咁睇番晒masa之前既作品, 因yvonne話如果想先睇下佢地d衫, 就要睇番之前d新人影既相, 因佢地個web無放全部既衫相上去.  咁.....咪要慢慢睇囉, 鬼叫自己心急, 想做多d功課, 咁去到揀衫時, 咪可以有多d心水囉!!!


一開始, 梗係用最易既方法, 就係去masa個網先啦, 其實仲要去其他姊妹既blog呀, 相簿呀, 台灣個very wed呀咁啦......


估唔到, 只係有個幾月無睇啫, 有新發現喎, 佢地加左5個新景點.  跟住即刻問下小藍啦, 點知原來佢地琴日已經知道左, 仲有send msn話我知, 係我無睇咋, 真失禮.....


好啦, 慢慢再研究下先啦, 係啦, 你地對新景點有咩意見??  我本身已揀左童話城堡lu



MASA渡假婚紗之旅


  • 留言者: 小藍
  • Email: littleblue619@yahoo.com.hk
  • 網址:
  • 日期: 2009-09-19 11:31:00
好呀^^




  • 留言者: 小藍
  • Email: littleblue619@yahoo.com.hk
  • 網址:
  • 日期: 2009-09-19 01:46:00
O個件我唔鍾意 我鍾意直身鮮黃/綠o個件, 不過都好多人揀 另外仲有一件超deep v 我都唔鍾意
[版主回覆09/19/2009 10:47:00]到時去揀衫個時, 一齊幫下眼, 費時揀d人人一樣既.




  • 留言者: 小藍
  • Email: littleblue619@yahoo.com.hk
  • 網址:
  • 日期: 2009-09-18 22:23:00
都係架, 不過好野先多人揀, 冇人揀O個D又可能唔靚 你會點揀呢XD
[版主回覆09/19/2009 01:18:00]但有一件衫係紫藍色, 專係f影花海既人都會揀, 但個件衫太多人揀啦, 有幾個姊妹都揀, 所以睇多d人d衫先去揀會好d, 費時影出黎個個一樣啦.




  • 留言者: 小藍
  • Email: littleblue619@yahoo.com.hk
  • 網址:
  • 日期: 2009-09-18 20:30:00
我估我地去之前都唔會再有新景喇… 我都問過KELLY有冇得揀衫, 佢話轉得好快所以冇放上網 有件之前睇中既聽講已經俾人買走左喇
[版主回覆09/18/2009 21:31:00]咁西利?????? 不過佢地d衫真係好靚, 但最怕好多人揀一樣既衫囉.....




  • 留言者: Miss Vi
  • Email: formybigday@ymail.com
  • 網址:
  • 日期: 2009-09-18 18:13:00
你好呀! 我都係BOOK左童話城堡架, 而家心思思睇下轉唔轉行程好^^
[版主回覆09/18/2009 21:32:00]其實童話城堡真係好靚, 因個景夠大夠遠, 唔會好似搭出黎既佈景.
張貼者： 於 沒有留言:
標籤：

2009年8月25日 星期二

台灣情人節

本來今日心情好差, 因工作上既問題, 但估唔到返到屋企後, 竟然會有個意想唔到既MESSAGE, 而且會令你會心微笑.  原來聽日係七夕節(台灣情人節).


MASALILI, 我真係無揀錯, 佢地係用心服務, 香港個D公司有排都追唔上. 雖然只係一個小小既MESSAGE, 但有咩公司會做??



 


  • 留言者: vicki heung
  • Email: vicki1314hk@yahoo.com.hk
  • 網址:
  • 日期: 2009-08-30 10:37:00
haha~我已經影完都收到wow~
[版主回覆08/30/2009 13:38:00]我有睇過你d相, 影得好靚呀!!~~




  • 留言者: 小藍
  • Email: littleblue619@yahoo.com.hk
  • 網址:
  • 日期: 2009-08-25 22:54:00
咁你有冇覆佢XD
[版主回覆08/26/2009 10:17:00]haha




  • 留言者: Fi
  • Email: fionaytw@yahoo.com.hk
  • 網址:
  • 日期: 2009-08-25 22:04:00
我都收到呀,之前我未join Masalili但做左會員，佢都有sent sms俾我話新年快樂！我就係這樣野而令我決定一定要去Masalili！
[版主回覆08/25/2009 22:24:00]哈哈, 呢D咪叫識做LOR...識留客.
張貼者： 於 沒有留言:
標籤：

2009年8月22日 星期六

訂左lu ~~ PINK BOX

睇過咁多間鋪之後, 最後都係買PINK BOX, 因為佢D款係最啱我心水既, 而且係8月23日前買有75折. 我去過幾間PINK BOX度睇 (因為想睇多幾次先買, 哈哈!)


我發覺荃灣個間SERVICE係最好既.  我之所以揀佢係因為佢地好有心咁幫我搵到已停用既舊版戒指盒, 佢地個盒好靚架, 可以第時註冊時用作戒指盒, 而且佢地宜家因為要搬鋪, 所以又有珍珠手鍊送, 可以送比媽媽. 個SALES仲送左隻杯比我, 其他人無架. 


我地訂左呢款, 一隻8 1/2號, 一隻15號, 一個月後就有得攞啦, 好開心呀....



 


佢地比左個盒我裝條手鍊, 個盒好靚, 下次去攞戒指時問佢地攞多幾個裝龍鳳鐲, 呵呵!!~~



 


  • 留言者: blue
  • Email: bluebird9218@yahoo.com.hk
  • 網址:
  • 日期: 2009-08-27 19:27:00
嘩!!!真係好靚呀!
個盒都好掂呀!




  • 留言者: 小藍
  • Email: littleblue619@yahoo.com.hk
  • 網址:
  • 日期: 2009-08-26 11:45:00
係?依家咩款架?
[版主回覆08/26/2009 19:24:00](Empty)




  • 留言者: 小藍
  • Email: littleblue619@yahoo.com.hk
  • 網址:
  • 日期: 2009-08-25 22:51:00
我都有呢個盒XD 依家日日都O係入面拎同放戒指XD
[版主回覆08/26/2009 10:16:00](Empty)
張貼者： 於 沒有留言:
標籤：

2009年8月21日 星期五

福來珠寶

早幾日睇ESD LIFE, D人話有間金行D婚戒好抵買, 都係有幾間鋪既, 不過係九龍灣, 將軍澳同油塘啫, 唔緊要, 最緊要係有款同平, 佢地話佢D款好過出面個D大金鋪, 而且去油塘間鋪搵"德哥"最平, 佢一聽到係網友介紹, 即刻自己識做, 比個最低價, 價都唔使講, 如果唔信可先去其他鋪問左價錢先, 再去搵佢比較即知.


咁我都想去睇埋先, 所以琴晚就去左九龍灣間鋪度睇, 佢地D標價真係平D, 而且款都OK, 服務態度好好, 不會迫你買, 仲話你有時間, 可以當行街去埋佢地其他鋪, 仲有D唔同款添.  佢地呢D先係服務, 唔會好似出面D大金鋪為左爭生意, 係咁問你有無之前去過佢地D分店呀...又好hard sell 呀咁...


佢地D戒指款仲可以按自己要求作更改設計, 不過佢地有D款就真係幾似人地D款既.


可惜, 我可能始終情繫PINK BOK既一對戒指, 最終都唔係好啱, 所以都無去搵"德哥"攞DISCOUNT. 


張貼者： 於 沒有留言:
標籤：

六福


六福本身D款真係好多, 但有好多都係差唔多款, 走訪左幾區六福後, 發現佢地既服務態度比其他既大行差, 可能係知道我地買既價錢少, 佢地既TARGET係國內同胞, 動不動就十幾廿萬, 我地呢D買對幾千蚊既戒指仔, 又要揀款, 又話要睇BUDGET, 不如招呼多幾個同胞好過.  去過銅鑼灣SOGO隔離既六福, 佢地好多人, 星期五夜晚咋, 又唔係假期, 睇戒指要等位, 好啦好啦, 等就等啦, 鬼叫D人話六福平咩, 而且係FORUM度問左人攞VIP NO., 佢已經UPGRADE到去黑卡, 有82折, 咁梗係睇下有無啱啦.


終於等到位啦, 有個叔叔來招呼, 咁我咪話睇下18K白金對戒有石個D囉, 佢攞左幾盤出黎比我睇, 我睇唔啱, 問佢仲有無其他款, 跟住佢都有再攞, 但都唔啱, 佢D款真係好多差唔多, 唔知係佢地將D差唔多款既放埋一盤, 定係佢地D款只有少少分別, 總之我唔啱款, 咁再問佢啦, 點知佢話"小姐, 你都睇左5, 6盤架啦喎, 都無啱咩", 嘩....有無攪錯, 一入去睇幾盤就要有啱, 你估你好多款揀呀, 係平, 但都要鍾意先得架, 唔鍾意點做結婚戒指呀....而且我一早表明我有VIP NO., 咁佢都知我有做功課先去, 唔係攪攪振, 但佢都無心做我生意, 算....走人.


跟住過幾日去左旺角彌敦道六福(信和對面大個間)再睇一次, 今次呢個SALES哥哥就好好人, 而且好有禮貌, 仲比左好多款我睇, 再計左個VIP價比我做參考, 我話想返去同男友傾傾, 問佢有無CATALOGUE, 佢話無, 已經派晒, 我問可唔可以影張相比男友睇, 佢話無問題, 仲幫我擺埋價錢牌黎影, 怕我唔記得幾錢, 呢D先係SERVICE. 比大家睇睇我覺得OK既款:


第一對比較鍾意D, 就呢2對為例, 啱我地SIZE既, 折左都係6千左右, 仲要有咁多石添.



  • 留言者: blue
  • Email: bluebird9218@yahoo.com.hk
  • 網址:
  • 日期: 2009-08-27 19:33:00
都係pink box果款靚好多!!!
我覺得六福我d"娘"
[版主回覆08/28/2009 00:18:00]所以最終揀左PINKBOX.




  • 留言者: 小藍
  • Email: littleblue619@yahoo.com.hk
  • 網址:
  • 日期: 2009-08-25 22:57:00
我地唔要石呢間冇咩揀 睇過一隻新款龍鳳鐲4萬幾=0=
[版主回覆08/26/2009 10:17:00]你要vip no. 嗎, 都係網友比架.
張貼者： 於 沒有留言:
標籤：

2009年8月11日 星期二

當「孤寒鬼」遇上「大花筒」

今朝睇頭條日報, 見有個專欄幾得意, 所以記低佢先:


 








慧眼看世界——當「孤寒鬼」遇上「大花筒」
2009-08-11



不要以為只有志趣相投的人才會走在一起，即使性格和價值觀有莫大差距的男女，很多時都可以湊成一對。

        美國沃頓金融學院針對已婚人士的研究發現，「孤寒鬼」和「大花筒」原來很容易擦出愛火。

        研究指出，在花錢的情感反應顯示，表現愈相反的人就愈容易彼此吸引。其實這個結果也不難理解，因為「孤寒鬼」認為不少大眾追逐的財貨都物非所值，所以他們覺得不值動用金錢去購買。可是單單擁有金錢卻不會讓人愉悅，唯有利用金錢換取心頭所好才能夠增加快樂。於是當「孤寒鬼」發掘到他們喜愛的東西時，便會不顧一切地花盡錢財去換取。例如當他找到夢想的另一半，然而卻發現其需要通過花費購物才能獲得開心，「孤寒鬼」為了滿足伴侶便會大破慳囊。

        那麼「孤寒鬼」何解又會縱容「大花筒」？而「大花筒」明知「孤寒鬼」對花錢很敏感，為甚麼仍不能自制地繼續消費呢？

        由於「孤寒鬼」慣於收藏，不習慣付出，與異性交往時通常都缺乏心思。而作為他們的伴侶，心裏有時都不能肯定自己在對方的價值輕重，最容易證明其緊張自己的方法，就是要他送贈貴重的禮物。於是「孤寒鬼」和「大花筒」就這樣不知不覺地成為一對。

        至於他們結婚後的消費模式會否改變？答案是不會的。

        張慧慈


張貼者： 於 沒有留言:
標籤：
訂閱： 文章 (Atom)