本來今日心情好差, 因工作上既問題, 但估唔到返到屋企後, 竟然會有個意想唔到既MESSAGE, 而且會令你會心微笑. 原來聽日係七夕節(台灣情人節).
MASALILI, 我真係無揀錯, 佢地係用心服務, 香港個D公司有排都追唔上. 雖然只係一個小小既MESSAGE, 但有咩公司會做??
睇過咁多間鋪之後, 最後都係買PINK BOX, 因為佢D款係最啱我心水既, 而且係8月23日前買有75折. 我去過幾間PINK BOX度睇 (因為想睇多幾次先買, 哈哈!)
我發覺荃灣個間SERVICE係最好既. 我之所以揀佢係因為佢地好有心咁幫我搵到已停用既舊版戒指盒, 佢地個盒好靚架, 可以第時註冊時用作戒指盒, 而且佢地宜家因為要搬鋪, 所以又有珍珠手鍊送, 可以送比媽媽. 個SALES仲送左隻杯比我, 其他人無架.
我地訂左呢款, 一隻8 1/2號, 一隻15號, 一個月後就有得攞啦, 好開心呀....
佢地比左個盒我裝條手鍊, 個盒好靚, 下次去攞戒指時問佢地攞多幾個裝龍鳳鐲, 呵呵!!~~
早幾日睇ESD LIFE, D人話有間金行D婚戒好抵買, 都係有幾間鋪既, 不過係九龍灣, 將軍澳同油塘啫, 唔緊要, 最緊要係有款同平, 佢地話佢D款好過出面個D大金鋪, 而且去油塘間鋪搵"德哥"最平, 佢一聽到係網友介紹, 即刻自己識做, 比個最低價, 價都唔使講, 如果唔信可先去其他鋪問左價錢先, 再去搵佢比較即知.
咁我都想去睇埋先, 所以琴晚就去左九龍灣間鋪度睇, 佢地D標價真係平D, 而且款都OK, 服務態度好好, 不會迫你買, 仲話你有時間, 可以當行街去埋佢地其他鋪, 仲有D唔同款添. 佢地呢D先係服務, 唔會好似出面D大金鋪為左爭生意, 係咁問你有無之前去過佢地D分店呀...又好hard sell 呀咁...
佢地D戒指款仲可以按自己要求作更改設計, 不過佢地有D款就真係幾似人地D款既.
可惜, 我可能始終情繫PINK BOK既一對戒指, 最終都唔係好啱, 所以都無去搵"德哥"攞DISCOUNT.
六福本身D款真係好多, 但有好多都係差唔多款, 走訪左幾區六福後, 發現佢地既服務態度比其他既大行差, 可能係知道我地買既價錢少, 佢地既TARGET係國內同胞, 動不動就十幾廿萬, 我地呢D買對幾千蚊既戒指仔, 又要揀款, 又話要睇BUDGET, 不如招呼多幾個同胞好過. 去過銅鑼灣SOGO隔離既六福, 佢地好多人, 星期五夜晚咋, 又唔係假期, 睇戒指要等位, 好啦好啦, 等就等啦, 鬼叫D人話六福平咩, 而且係FORUM度問左人攞VIP NO., 佢已經UPGRADE到去黑卡, 有82折, 咁梗係睇下有無啱啦.
終於等到位啦, 有個叔叔來招呼, 咁我咪話睇下18K白金對戒有石個D囉, 佢攞左幾盤出黎比我睇, 我睇唔啱, 問佢仲有無其他款, 跟住佢都有再攞, 但都唔啱, 佢D款真係好多差唔多, 唔知係佢地將D差唔多款既放埋一盤, 定係佢地D款只有少少分別, 總之我唔啱款, 咁再問佢啦, 點知佢話"小姐, 你都睇左5, 6盤架啦喎, 都無啱咩", 嘩....有無攪錯, 一入去睇幾盤就要有啱, 你估你好多款揀呀, 係平, 但都要鍾意先得架, 唔鍾意點做結婚戒指呀....而且我一早表明我有VIP NO., 咁佢都知我有做功課先去, 唔係攪攪振, 但佢都無心做我生意, 算....走人.
跟住過幾日去左旺角彌敦道六福(信和對面大個間)再睇一次, 今次呢個SALES哥哥就好好人, 而且好有禮貌, 仲比左好多款我睇, 再計左個VIP價比我做參考, 我話想返去同男友傾傾, 問佢有無CATALOGUE, 佢話無, 已經派晒, 我問可唔可以影張相比男友睇, 佢話無問題, 仲幫我擺埋價錢牌黎影, 怕我唔記得幾錢, 呢D先係SERVICE. 比大家睇睇我覺得OK既款:
第一對比較鍾意D, 就呢2對為例, 啱我地SIZE既, 折左都係6千左右, 仲要有咁多石添.
今朝睇頭條日報, 見有個專欄幾得意, 所以記低佢先:
| 慧眼看世界——當「孤寒鬼」遇上「大花筒」 |
| 2009-08-11 |
不要以為只有志趣相投的人才會走在一起，即使性格和價值觀有莫大差距的男女，很多時都可以湊成一對。
美國沃頓金融學院針對已婚人士的研究發現，「孤寒鬼」和「大花筒」原來很容易擦出愛火。
研究指出，在花錢的情感反應顯示，表現愈相反的人就愈容易彼此吸引。其實這個結果也不難理解，因為「孤寒鬼」認為不少大眾追逐的財貨都物非所值，所以他們覺得不值動用金錢去購買。可是單單擁有金錢卻不會讓人愉悅，唯有利用金錢換取心頭所好才能夠增加快樂。於是當「孤寒鬼」發掘到他們喜愛的東西時，便會不顧一切地花盡錢財去換取。例如當他找到夢想的另一半，然而卻發現其需要通過花費購物才能獲得開心，「孤寒鬼」為了滿足伴侶便會大破慳囊。
那麼「孤寒鬼」何解又會縱容「大花筒」？而「大花筒」明知「孤寒鬼」對花錢很敏感，為甚麼仍不能自制地繼續消費呢？
由於「孤寒鬼」慣於收藏，不習慣付出，與異性交往時通常都缺乏心思。而作為他們的伴侶，心裏有時都不能肯定自己在對方的價值輕重，最容易證明其緊張自己的方法，就是要他送贈貴重的禮物。於是「孤寒鬼」和「大花筒」就這樣不知不覺地成為一對。
至於他們結婚後的消費模式會否改變？答案是不會的。
張慧慈
話說上星期去金都睇男禮時, 順便再睇下有無MONKICHI同MOMOCHAN既結婚公仔, 點知唔睇好地地, 一睇出事啦, 無得賣都唔緊要, 但我上次已經講過有間賣公仔既將2隻MONKICHI當係一對, 即係用2隻男仔馬騮, 其中1 隻著婚紗當係, 今次仲離譜, 唔知係咪佢地知道左2隻都係男仔啦, 驚賣唔出, 跟住竟然將其中著婚紗個隻MONKICHI, 自己加左D眼睫毛係隻眼上面扮MOMOCHAN(馬騮女), OH MY GOD, 好恐怖, 點解可以將我心愛既馬騮仔攪成咁呀, 人妖呀........唔係, 係馬騮妖呀........
要睇男禮, 梗係要睇埋金都先得既, 上星期四同朋友仔去睇睇啦!! 係金都每一層樓都有男禮公司, 不過一見到佢地放係門口櫥窗既DISPLAY之後, 我可以好肯定咁講BYE BYE啦, 根本同我既要求唔同, 而且佢地既價錢係由HK$1XXX-2XXX, 根本唔係平, 雖然佢地包背心同呔(我指既係以訂造禮服既價錢), 但我都係會選擇番之前係中環睇個D老店囉!~~
再者, 問下D豬腸呔同背心SET, 佢地賣HK$350一套, 之前D BLOG 友話有HK$1XX, 都無既, 全部好似劃一收費咁, 間間都一樣價, 3百幾, 所以係金都訂衫或租衫都係為左方便D, 因佢地價錢全包.
但我去中環個D就要再買背心加呔, 不過我唔怕煩, 睇左好多間D款, 除非租男禮, 佢地唔貴, HK$450-600都有一套, 三日兩夜, 但去台灣都要一星期啦, 再加上農曆新年假, 都係買化算D. 可能金都有D款實在太難接受, 所以印象唔好. 男禮應該已可以選定中環訂, 然後再去買背心同呔.
當經過第1回合既角力同意見分歧後, 大家已經有了共識, 我們始終係2個人, 有d野係要表達得清楚d, 唔好下下要對方估, 有時我覺得好既, 佢未必鍾意, 亦唔明白箇中原因, 但只要向對方表達清楚, 而且解釋自己的原因, 就可以加深彼此了解, 而令到件事得到完滿解決方法.
曾經聽人講過, 一對情侶可以因為結婚而令關係更進一步, 一齊手牽手開始一個新既人生, 但亦有人會因彼此加深了解而決定分手. 所以, 結婚係真係一件好重要既項目, 可以改變左你既一生. 而我地亦開始進入呢個階段, 開始進入呢個挑戰區域, 縱使我同佢經歷左咁多個年頭, 原來亦要重新上課.
開始時係為d小事而發生爭吵, 可以係小到買野去台灣影相都會吵架, 我想買戒指, 買公仔, 買禮服, 而有d野佢會覺得好奇怪, 點解...點解...要帶呢d 個d過去影相, 宜家去影相咋, 間公司唔係包左好多野架咩, 男仔其實真係唔係好明白女仔, 係女仔心目中, 結婚係一個好重要既事情, 每個女仔都希望用自己可以負擔能力許可既方式去安排自己覺得perfect既婚禮, 但男仔唔係, 佢地覺得錢要用幾多? 有幾煩? 做幾多野啦?.... 等等, 我地雖然唔係有錢人, 但仍然希望可以自己安排好自己既婚禮, 所以一定要大家有共識, 明白對方想做d咩, 而我亦拍晒心口咁話會用盡一切方法去為呢d野努力, 只要shortlist左d選擇時, 佢比d意見就ok架啦.
真係好好, 只要傾完之後, 大家宜家都好開心咁, 我有我繼續搵我既資料, 佢亦會合作咁係我d資料上比d意見, 而且我發覺到, 原來佢都因我既關係開始投入, 我地一齊去睇戒指時係好開心咁揀, 我地可以真正通過第1回合. 之後, 仲會有第2會合, 第3會回咁, 而且會有新角色陸續加入添, 到時又有一個新挑戰, 好期待呢!!~~
既然睇開有條癮, 今日又咁啱6:30pm就可以放工, 平時最少都7:00pm啦, 咁......不如去埋尖沙咀啦, 而且睇完都差不多可以定案, 心裡面有一百萬個藉口比自己, 叫自己去睇睇, 好啦, 去睇睇啦.
唔知係咪星期一, 好好彩, 上到去又係無咩人, 只係啱啱有pair人走, 咁同老闆娘講睇訂造男禮啦, 之前打過電話問過係$950一套全包(褸/褲/背心/呔), 佢好好人, 好nice咁比本相簿我睇, 又介紹邊d可以改番普通老西款, 又講解$950個款同有d會貴d既款, 我話想睇下d實物, 佢立即去攞掛係上面個d禮服比我睇, 跟住我仲問佢d背心同豬腸呔價錢, 佢又攞晒d款比我睇, 嘩..都好多色喎, $198 好抵囉, 返大陸買都要啦, 我就係要買呢d去台灣. 咁我問佢地d size點樣啦, 佢地通常按照現碼改, 所以都要帶男友一齊去. 款都ok既, 如果租可以考慮, 但如果訂造, 就要睇下你地要咩款, 好似我搵個d, 洋服店有既, 咁其實去番洋服店好d, 因全新訂造, 唔係用現碼改, 但如果花巧d, 咁呢個價錢都算平.
係呢個時候, 佢仲叫我睇下佢地d婚紗, 晚裝, 我同佢講 "我無咁快要租, 我只係出年2月去台灣影相, 要買男禮過去, 婚期仲未定架, 可能要2011架". 我以為佢會好似金都個d人, 一聽到有排, 就費時采你, 點知佢竟然話, 無所謂, 睇下先囉, 遲d都要睇架啦. 佢一路講一路好熱情咁攞d衫比我睇, 仲由個衫套度攞出黎逐件遂件介紹, 仲叫我拼上身度照下鏡添. 我仲話 "我都未開始去睇呢d, 覺得仲有排, 今次都係第1間睇自己婚紗既鋪咋, 之前淨係幫人睇".
當見到自己拼上件婚紗個刻, 唔知點解, 熱淚盈眶, 好感動, 可能因為之前一直只係陪朋友仔睇, 今次終於有種係為自己睇既感覺, 好多謝你老闆娘, 雖然明知我今日係攪攪振, 無幫襯, 仲咁熱情招待, 我會記住你, 當我揀好日子之後, 一定會再返黎睇你d衫架.
講開又講, 佢d婚紗真係幾好, 攞上手個感覺唔差, 起碼一定係白色同新, 無個種黃咁咁既feel, 佢話佢地d婚紗晚裝好多都係自己設計, 或參考雜誌款改良, 所以同mk款唔同. 而且數量唔算多, 每款1件起, 2件止. 自從有次個朋友仔結婚個日, 見到佢同人撞婚紗後, 成日都記住, 平日d衫撞都算啦, 我地又唔係明星, 邊有咁多獨一無二先, 但無理由, 婚禮地點咁多, 婚紗公司咁多, 樣樣野唔撞, 偏偏撞婚紗咁慘架, 會記一世架....
呢2件都有攞實物睇, 仲拼過上身, 好靚呀!第1件就係令我熱淚盈眶既婚紗啦.
我已經按照70幾張相既數量, 做左幾個不同既plan, 其實價錢差唔多, 只係相簿有d唔同, 當然係以我join個時有優惠既價錢計算, 比大家睇睇:
ps. 花園新絲相簿係一本pocket size既相簿, blog友話買佢好抵, 因可以用30張相底既價錢+NT1000, 就買到美編相簿同底片, 而且門市應該會比7折添, 但要每次去到睇睇有無改到個優惠.
| Option 1 - 78張 | NT | HK |
| 15" Package (20張) | 27,800.00 | 6,950.00 |
| 12" 相架(1個) | - | - |
| Downpayment Handling Charge | - | 20.00 |
| Photop | 3,000.00 | 750.00 |
| 花園新絲 (30張) | 18,000.00 | 4,500.00 |
| Upgrade to 複合本 + 1 底片 | 3,600.00 | 900.00 |
| Additional Photo (NT760x10張x0.8) | 6,080.00 | 1,520.00 |
| Additional Photo (NT950x10張x0.8) | 7,600.00 | 1,900.00 |
| 運費 | 3,000.00 | 750.00 |
| 上車獎NT3600 | (3,600.00) | (900.00) |
| 下車獎 (6底片) | - | - |
| La'pure電子相本+晶品框(28 x 34cm) | - | - |
| 線上付訂搶大禮 (2相片) | - | - |
| 黎客商旅(2晚) | - | - |
| Total | 65,480.00 | 16,390.00 |
| Option 2 - 78張 | NT | HK |
| 15" Package (20張) | 27,800.00 | 6,950.00 |
| 12" 相架(1個) | - | - |
| Downpayment Handling Charge | - | 20.00 |
| Photop | 3,000.00 | 750.00 |
| 花園新絲 (30張) | 18,000.00 | 4,500.00 |
| Upgrade to 18"相簿 | 5,000.00 | 1,250.00 |
| Additional Photo (NT760x10張x0.8) | 6,080.00 | 1,520.00 |
| Additional Photo (NT850x10張x0.8) | 6,800.00 | 1,700.00 |
| 運費 | 3,000.00 | 750.00 |
| 上車獎NT3600 | (3,600.00) | (900.00) |
| 下車獎 (6底片) | - | - |
| La'pure電子相本+晶品框(28 x 34cm) | - | - |
| 線上付訂搶大禮 (2相片) | - | - |
| 黎客商旅(2晚) | - | - |
| Total | 66,080.00 | 16,540.00 |
| Option 3 - 84張 | NT | HK |
| 15" Package (20張) | 27,800.00 | 6,950.00 |
| 12" 相架(1個) | - | - |
| Downpayment Handling Charge | - | 20.00 |
| Photop | 3,000.00 | 750.00 |
| 花園新絲 (30張) | 18,000.00 | 4,500.00 |
| Additional Photo (NT760x20張x0.8) | 12,160.00 | 3,040.00 |
| Additional (6底片) | 3,600.00 | 900.00 |
| - | ||
| 運費 | 3,000.00 | 750.00 |
| 上車獎NT3600 | (3,600.00) | (900.00) |
| 下車獎 (6底片) | - | - |
| La'pure電子相本+晶品框(28 x 34cm) | - | - |
| 線上付訂搶大禮 (2相片) | - | - |
| 黎客商旅(2晚) | - | - |
| Total | 63,960.00 | 16,010.00 |
| Option 4 - 79張 | NT | HK |
| 15" Package (20張) | 27,800.00 | 6,950.00 |
| Upgrade to 複合本 | 3,000.00 | 750.00 |
| 12" 相架(1個) | - | - |
| Downpayment Handling Charge | - | 20.00 |
| Photop | 3,000.00 | 750.00 |
| 花園新絲 (30張) | 18,000.00 | 4,500.00 |
| New 12"相簿(20張)(NT800x20張x0.8) | 12,800.00 | 3,200.00 |
| Additional (1底片) | 600.00 | 150.00 |
| 運費 | 3,000.00 | 750.00 |
| 上車獎NT3600 | (3,600.00) | (900.00) |
| 下車獎 (6底片) | - | - |
| La'pure電子相本+晶品框(28 x 34cm) | - | - |
| 線上付訂搶大禮 (2相片) | - | - |
| 黎客商旅(2晚) | - | - |
| Total | 64,600.00 | 16,170.00 |
| Option 5 - 82張 | NT | HK |
| 18"Package (24張) | 39,800.00 | 9,950.00 |
| 油畫 20" | - | - |
| Downpayment Handling Charge | - | 20.00 |
| Photop | 3,000.00 | 750.00 |
| 花園新絲 (30張) | 18,000.00 | 4,500.00 |
| Additional Photo (NT850x20張x0.8) | 13,600.00 | 3,400.00 |
| - | ||
| - | ||
| 運費 | 3,000.00 | 750.00 |
| 上車獎NT3600 | (3,600.00) | (900.00) |
| 下車獎 (6底片) | - | |
| La'pure電子相本+晶品框(28 x 34cm) | - | |
| 線上付訂搶大禮 (2相片) | - | |
| 黎客商旅(2晚) | - | |
| Total | 73,800.00 | 18,470.00 |
