MnM: 男禮踩埸第2擊 ~~ 祥興洋服

今日見係星期六而又有時間, 不如去埋祥興洋服啦, 所以打鐵趁熱, 即刻睇埋第2擊.

一上到去好好彩, 只有2個客人, 一問佢地d禮服資料, 老師傅好好人, 好熱情介紹佢地既款式, 又比禮服書, 又比實版我睇, 又係比我任影相, 因我話男友要返工, 我要幫佢攞定d資料咁...... 價錢一律$998, 只要係佢地鋪面有既有料可以任選. 由於我比較主張睇個d可改番普通款既款式, 所以都有問佢地有關改衫價錢, 點知又係免費包改. 佢地有3款領可揀, 3款都可以改番普通款. 佢地d訂造時間, 最快1星期都得, 不過一般2-3星期, 早d訂咪唔使下下要人地幫你趕囉, haha...

後記, 真係好彩, 當我睇到7788既時間, 突然有一班客人殺到, 所有老師傅即刻變得好忙, 招乎客人啦.....度身啦.....攞造好既衫比人試, 全部3個師傅即刻變得好忙, 仲邊有時間招乎我呢d又唔係即刻幫襯既客人, 所以我都係快快撤退. 宜家已經睇左2間男禮, 其實2間都好, 價錢差唔多, 不過如果留心d睇番我d相, 其實2間個領係有d唔同架, 係個長度同位置有少少出入. 但我可能最多睇多幾間後, 都會揀間訂啦, hahaha....

1套禮服又係只包括褸同褲, 裇衫唔造.

祥興洋服 TEL: 2523 9737(中環皇后大道中號萬興大廈4字樓)

以下呢3款係可改普通西裝款, 主要係條領同d鈕: