今日放工早左, 返到中環 19:30pm, 經過環球大廈, 入去睇睇佳藝收左鋪未, 點知佢有客人係度, 所以未收, 咁咪問個位師傅攞d禮服款, 同埋d布板睇下, 佢比左本禮服書我睇, 雖然d款比較正統, 但都有幾款ok, 不過如果要改回普通西裝, 只有一款. 呢位林師傅都幾nice, 因佢休星期日, 如果男友有興趣睇下, 可以星期六黎, 我話佢收工呢度都收, 佢話都可以等埋我地先, 有好多老店唔制架.
布料由1千蚊起, 如果唔係成日著老西, 只係想買左唔好晒, 留套士卑西裝傍身, 當然係個d可以改番既款式啦, 1千可考慮, 唔使太貴. 1千蚊個隻布都ok, 薄料, 唔吉肉, 不過唔知耐左會唔會有毛粒.
1套禮服只包括褸同褲, 背心另計, 2星期左右起貨
佳藝洋服 TEL: 2868 5566 (中環環球大廈2樓213室)
呢款就係可改回普通西裝既禮服 (只要加番背心同豬腸呔就ok晒, 當然條子款唔係我地杯茶啦):
呢d係佢地本書度影, 影得差係本人同本人部相機既問題, 與店鋪無關, 敬請留意, HAHA:
沒有留言:
張貼留言