男士禮服

其實一個美麗動人既新娘, 最好咁梗係有個風度翩翩既新朗.  但好多新人都只會注重新娘子當天既婚紗....晚裝....., 但新朗禮服都好重要.

曾經參加過一個婚禮, 唔知係禮服公司出左問題, 定新朗突然消瘦左, 個新朗著住一套唔啱身既禮服, 有d似小童著住爸爸件衫咁, 仲要係長尾而且閃晒個d, oh my god..... 好肉酸, 由個時開始, 我已經同男友講, 我要佢係結婚當日都要好型仔, 唔可以有咁既事係我地身上發生.

選男士禮服, 本身已有一套標準, 以下最好唔好有:

~  防盜鍊

~  船長服

~  魔術師

~  登台服

~  騎馬打獵皇子look

~  正統燕尾服

簡單d講, 就係一套GRAND既去ball服就ok, 但之前睇過好多人講買一套可改回普通西裝款禮服比較化算, 所以本身都有咁既計劃, 只要係禮服入面加背心及豬腸呔便可.  點解好似我著咁既, 唔通男友無意見? 佢只係一個意見, 因佢對禮服方面不太熟悉, 所以佢只要我幫佢搵一套著得型既禮服便可, 其實一句講晒, 只要靚... 哈哈, 佢要求幾 "簡單" 呀!!~~

朝住呢個方向, 再加上budjet所限, 要搵平靚正既, 而且又可以帶去台灣影相, 一舉兩得, 因台灣d男禮好普通, 普通到你唔信.

已搜集既情報 (於各方BLOG友搜集並自行summary左幾間平既出黎):

1	祥興洋服設計公司	香港皇后大道中號萬興大廈4字樓	$998 一套禮服(外套&西褲)
2	法國情懷婚紗晚裝	九龍尖沙咀堪富利士道11號堪富利士大廈9樓901室 (尖沙咀地鐵 A2出口)	$950 一套禮服(外套&西褲&背心&Tie) $198 一套(背心&Tie)
3	龍將洋服 Dragoon Francais Tailor	香港九龍油麻地廟街230-236號韶興大廈地下C舖  (佐敦道廟街口步行街)	$1380up
4	佳藝洋服	中環環球大廈2樓213室	$1000up 一套禮服(外套&西褲)
5	蜜月軒	太子金都商場 2樓210店	~ 店鋪很少﹑老闆娘幾好人 ~ 可單買背心﹑豬腸 tie ($180) ~ 白色禮服shirt ($150)
6	深圳維美婚紗禮服行	深圳巿東門深南東路百貨廣場二樓金飛馬商城23號(地鐵老街站C出口)	RMB630 一套禮服(上衣連褲)、腰封和煲呔、背心和領帶 RMB350 一套馬褂
7	上海新雅洋服行	羅湖商業城5樓 F5087鋪	~ 得1位上海技師度身，有時多人要等得耐 ~ 手工幾好﹑可變回西裝﹑價錢平宜 ~ 可在雜誌剪出合心水款色，讓技師參考 ~ 要最少上深圳3次 (1次 度身，畫紙樣, 2次﹕完成紙樣﹑試身是否合身型, 3次﹕取衫，再試身 若不合身要改，不可即時取，要等下一次(訂做需時)

---

• 留言者: kim
• Email: kimstyling@ymail.com
• 網址:
• 日期: 2009-08-03 16:03:00

其實高大既男仕著 燕尾服都好好睇. 新郎禮服通常都係件西裝有DD特別, 如: 有少少條紋暗絲光就幾好睇. 不過最重要都件裇衫唔好太花or花邊, 尤其身型較瘦既男仕, 會好特出自己既弱點家.
[版主回覆08/03/2009 17:43:00]以上所列出西裝訂造價錢無咁多布料揀喎....算啦, 一分錢一分貨, 咁既價錢有得訂造, 仲可以攞番套衫用, 已經好難得, 我地都唔使成日著西裝, 就算得一款看門口都ok啦.